من الماضي

ياربعنا ياهل الفطر الشيــــــــــب == عزالله انه ضاع منـــــكم وداعة
رحتو على الطاعات مثل العياسيب ==وجيتو وخليتو لقلبي ضياعة
خليتو النادر بدار الاجانيب====وضاقت بي الافاق عقب التساعه
00000000000000الخ تحفظ لعدم رغبة النشر حتى اخر الابيات
قالو تطيب وقلت وشلون ابا طيب==وطلبت من عند الكريم الشفاعة
يتبع............................................
واردفها الشيخ شالح رحمه الله بهذه القصيده على نفس البحر والقافيه وقد رويت عن الامير عمير بن سلطان ابا العلا واكد انه رواها عن والده سلطان الذي عاصر شالحاً وابنه ذيباً وبهذه القصيده الاخيره لم يخف آلامه فجاوب الذئاب بعوائها ثم رجع الى خالقه وطلب منه الفرج ثم لام نفسه واعترف بانه هو السبب بتحريض ابنه ذيب [0000000الخ تحفظ
[ذيب عوى ونا على صوته اجيب == ومن ونتي جضت ضواري سباعة
عزالله اني جاهل معلم الغيب ==والغيب يعلمبه حفيظ الوداعة
يالله يارازق عكف المخاليب ===يامحصي خلقه بحره وقاعة
تفرج لمن صابه جروح معاطيب===وقلبه من اللوعات غاد ولاعة
ان ضاق صدري لذت فوق المصاليب=ماني من يشمت فعايل ذراعة
صار السبب مني على منقع الطيب=ونجمي طمن بالقاع عقب ارتفاعة
ياطول ما هجيتهن مع لواهيب ===ولاني بداري كسرها من ضلاعة
وياطول ما نوختها تصرخ النيب ===وزن البيوت اللي كبار رباعة
اضوي عليهم كنهم لي معازيب== اليا رمى زين الوسايد قناعة
اضوي عليهم واتخطى لاطانيب ==واخذ مهاوية الجمل باندفاعة
ابا انذر الي من ربوعي يبا الطيب= لا ياخذ الا من بيوت الشجاعة
يجي ولدها مهذب كنه الذئب == عز لبوه وكل ما قال طاعة
وبنت الردي ياتي ولدها كما الهيب= غبن لبوه وفاضحه بالجماعة
ياكبر زوله عند بيت المعازيب===متحري متى يقدم متاعة
وفي ذات ليلة وهو ساهر مع احزانه كان شخص من قحطان يسمى الهويدي قد ضاع له طير صقر واخذ يبحث عنه بالليل ويسال رافعاً صوته كما مر بنار قطين منادياً (من عين الطير) فعرفه شالح وسكت عنه اول مرة ثم عاد اليه مرة ثانيه ماراً ببيته بعد ان مر بنيران الحي وسأل عن الطير ثم استمر بسؤاله ماراً بكل ناراً يراها وعاد على شالح للمرة الثالثه فناداه شالح والهويدي لا يعرف ان النار هي نار شالح وعندما دعاه لكز هجينته بعقب رجله وجاء مسرعاً ظن منه ان المنادي سيبشره بطيره وعندما اناخ هجينته واقترب من المنادي تبين له انه الامير شالح بن هدلان والد ذيب الذي لا زال يصارع احزانه فاعتذر الهويدي لشالح وأقسم له بالله انه لا يعرف ان هذه النار هي ناره ثم قبل جبينه معتذراً وطالباً السماح فاذن له بالجلوس من حوله واخذ شالح يصب له القهوه ثم قال هذه الابيات:ـ
ان كان تنشد يا الهويدي عن الطير==فالطير والله يالهويدي غدالي
طيري عذاب معسكرات المسامير== ان حل عند قطيهن الجفالي
ان جا نهار فيه شــــر بـــــلا خيــر ==وغدا لهن عند الطريح اجتوالي
ان دبرن خيـــــل وخيـــــل مناحير ==وغدن مثل مخزمات الجمالي
على الرمــــك صيده عيال مناعير ==وشره على نشر الحريب الموالي
يضحك ليا صكت عليـــــه الطوابير ==طير السعد قلبه من الخوف خالي
خيالنا وان عرجدن المـــــــظاهير ==وزيزوم عيرات طواها الحيالي
غيث لنا وان جت ليالي معاسير == وبالشح ريف للضعوف الهزالي
يسقي ثراه من الــــروايح مزابير ==تمطر على قبر سكن فيه غالي
تحياتي؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

__________________
مسفر القحطـــــــــــــــاني

ابوسعد بيض الله وجهك

مشاركه وافيه وعلومك كلها غانمه

وابن هدلان تاريخ يكتب بماء الذهب

لاهنت

__________________

بيض الله وجهك يابو سعد

مشاركه جميله

تقبل تحياتي

__________________
للتواصل:

fahad_alhababi@hotmail.com

وجهك ابيض يابو مسفر وشراً على المرور والاطلاع
مبرك عليك الشهر الكريم تقبل الله منكم العمل الصالح
تحيــــــــــــــاتي وتقديري ؛؛؛؛؛؛؛؛؛؛؛؛؛؛

__________________
مسفر القحطـــــــــــــــاني

وجهك ابيض يابو حمد وشرفتنا بالاطلاع والمرور
تحياتي؛ ومبروك عليك الشهر الكريم تقبل الله
منا ومنكم صالح الاعمال

__________________
مسفر القحطـــــــــــــــاني