رثاء في مبارك فهيد الخنفري

هذه قصيد رثاء قالها الشاعر غلاب بن فارع المورقي العتيبي
في خويه مبارك بن فهيد بن دلهم آل جفيران الخنفري الذي حصل له حادث سير قبل حوالي اربع سنوات ونوم بالمستشفى حوالي سنتين ومن ثم توفي رحمة الله عليه



[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
لولاي اوسع خاطري يوم اغني=وابدع من المعنى وازين مثايله
وأسلي القلب المعنى وأدلهه=وأقول قول وقدمي الناس قايله
يالعين هلي دمعتك يالشقيه=من يوم راع الطيب قفت رحايله
هلي من العبرات يالعين وامطري=كما مطر صيفٍ تدلت ثعايله
وابكي على مبارك وهلي وكثري=وابكي رفيقاً مالقينا مثايله
تبكيه ديرت ربعه الخروعيه=وتبكي بني عمه وتبكي قبايله
وجدي عليه ولا يفيدً توجدي=ودنياك يالمخلوق لابد زايله
ليته يكلمني ليا جيت زايره=ويقوللي قوله وياخذ بدايله
مغار ينظرني بنظرات غارقه=وأنا جفوني فوقها الدمع سايله
يالله يالمعبود ياراعي الثنا=يالواحد اللي ماتعدد فضايله
تجبر عزانا في مبارك وترحمه=ياواحدً ينش المطر من مخايله
ياكبر حملي من مفارق مبارك=حملً على قلبي ولاهوب شايله
وأرسل تعازي للجفيران كلهم=من بعد قرمً يابساتً بلايله
قرمً ولد قرمً شجاعً مجرب=يمناه في كل المواجيب طايله
عزي لكم يالابته عقب روحته=من بعد شبلً وافياتً خصايله
عزي لربعً راح منهم مبارك=ليته قعد معهم وطالت مهايله
وصلاة ربي عد مايمطر المطر=على نبيً بيناتً دلايله[/poem]

الله الله

في ذمتي أبداع

يا عتيبي

صح لسان القايل

ورحم الله الميت

والله يعوض الشاعر غلاب بن فارع الخير في خويه

والله يعوض الخنافر خاصه وقحطان عامه الخير في فقيدهم

الله يجمل حالك ولا يهينك

صح لسانك ولاهنت يالشاعر


تحياااتيلك
العبيدي

__________________

سيف عبيده
وذيب العبيدي
حياكم الله واشكر مروركم

شاكرين لك أخوي العتيبي
وشاكرين للشاعر
والله يرحم مبارك ويتقبله ربه مع أهل الجنة
ويصبر أهله في فقده

شاكرين لك أخوي العتيبي
وشاكرين للشاعر
والله يرحم مبارك ويتقبله ربه مع أهل الجنة
ويصبر أهله في فقده

__________________
محمد بن عبيان آل سالم الفهري

الله يرحم الميت

وصح الله الساااان الشااااعر

ولاهان ناقلها

__________________