[poem=font="Simplified Arabic,6,black,bold,normal" bkcolor="transparent" bkimage="backgrounds/16.gif" border="groove,thick,gray" type=4 line=0 align=center use=ex num="0,black"]
ياهل الطولات والطيب والباع الطويل=ويش اسوي لي بمن كل يوم(ن) له شكل
كنت احسب إنه على الطايلة ما له مثيل= وأحسب إنه يعرف الفرض وإيعرف النفل
وكنت أحسب إني على الوقت مالي به بديل=لين شفته تالي الوقت ماهو بالامل
مأحسب إنه ينقلب بين يوم وبين ليل=ومأحسب إن الكفو في ناظري ياتي نذل
كل مني جيت أوقف معه وأكسب جميل= مالقيت إلا المشاريه منه والزعل
لوذنبي ماقف الطيب والفعل النبيل= غير ويش اعمل بمن صايبه جهل وحول
لو يشوف الدرب شاف المثلث مستطيل=والدبور الأكلبي قال منتوج الجهل
دام راعي الطيب مايندم وعندي دليل=ماندم ياكون راعي الردى لامن عقل
والردية حرمة(ن) كسبها الوجه البخيل=حرمة(ن) منها كلا للكفو ما تنوكل
غير مهما صار والا برق برق المخيل=من تمادا في الخطأ عود لحاله وذل
والجميل أسهل من الريشة وردة ثقيل=علموا إللي كل ماقلت أنايطلع نزل
والكفو والرجل والذيب والحر الأصيل=لاعمل به طيب يحفظه ويرده دبل
لين تبقى سمعته ريح مسك وريح هيل= وإن لفى روس الرجاجيل ما لحقه زمل
له مع اهل الطيب والمدح والقالة حصيل=وإن صمل بين الصناديد يرهي لا صمل
والردي لو ماهو إمن المراجل مستقيل=مايسمى مع هل الهون والهزلة بطل
والختام الحمدلله والشكر الجزيل=وللنبي أفضل صلاتي عدد وبل(ن) همل[/poem]