قصيدة الفياقرا في نواف الحميداني

هذي القصيده أرسلتها للأخ العزيز
نواف بن سالم بن سباح الحميداني
وهو من سكان مدينة العين
في دولة الأمارات وحيث أن ماهوب شاعر جاني مردها فعل طيب مانيب ناسيه
طول العمر


ياراكب اللي من الالمان مصدرها
مصانع>ن< كملتها واعتنت فيها
تجري عليها التجارب قبل تظهرها
في صالة العرض للشراي يشريها
تحمل ضمان الوكاله مع دفاترها
ضمان شامل من المصنع يزكيها
فيها علامه جميع الناس تخبرها
علامة>ن< في جبين الوجه تعنيها
فياقرا يجذب الأنظار مظهرها
والحجم وافي وراع الذوق يغليها
أحدث طراز>ن< نزل فيها واشهرها
‏ ‏sel ‎500 لون البدر زاهيها
أنشهد ان الخواجه يوم سوكرها
طبق دروس>ن< على الابداع قاريها
لاجيت اوصف مزاياها ومنظرها
يشيب قاف القصيده قبل يوفيها
من بصمة الكف تستقبل اوامرها
والدسك والكوندشن باللمس تجريها
والسيت من جلد ريم>ن< قد تخيرها
والبدي لمعة نجوم>ن< في معاليها
كن الجواهر على الكبوت ناثرها
ومثل المرايه تعكس اللي يراعيها
واليا مشت في دروب البعد تقصرها
وتقرب اللي صعيبات>ن< مناويها
وتزين الارض لاسارت توايرها
وعلى خطوط القار تثبت مواطيها
قم يانديبي لوجه الشرق نحرها
واقطع حدود السعوديه وعديها
مر المراكز بسرعه لاتناظرها
معك أمانه لزوم أنك توديها
واليا وصلت العين والعين خابرها
دار الربوع اللي بعيدات>ن< هقاويها
أنص القصور اللي طويلات>ن< منابرها
مدهال قرم>ن< افعول الطيب قانيها
وأقلط على اللي ضيوف الدار قدرها
عند أبن سالم تراه ايعز طاريها
امعزبك مجلسه للضيف عامرها
يبدي التراحيب والضيفان يقريها
تلقى دلال>ن< من الرسلان محضرها
والعود الازرق يعجول في نواحيها
عقبه تفضل على ضيفتك واحضرها
ترى معزبك يفعلها لراعيها
ومن بعد هذا وهذا لاتوخرها
أمانتك يانديبي لاتخليها
وصل سلام>ن< عدد ماطار طايرها
وعداد ماوجه لمكه مصليها
سلام أطيب من الكادي وعنبرها
يخص نواف في جملة معانيها
جزل العطايا افعوله صعب نحصرها
اللي على المرجله عينه امقديها
سهم المنايا لما ضاقت معابرها
يارد على الموت ماحسب لتاليها
وقله ترى العين ماغفت محاجرها
والنار في صدر زايد زاد لاضيها
والرجل عن ماتريد النفس قاصرها
بين الخطوط الحمر محصوره خطاويها
عامين والحال في وضع>ن< مكدرها
والصبر طال وعذاب القلب مشقيها
يامن يجيب البشير اللي يبشرها
ويزيل هم>ن< على روحي معنيها


وسلامتكم


أخوكم

زايد بن حسن بن زايد
أبن الزقروط الحبابي

زآيد أبن الزقروط..,.,


مرحبآ بك ومرحبآ بفرآيدك.,.,


صح الله لسآنك وعتلآ شآنك.,.,


انت كريم والحميدآني يستآهل.,.,


تقبل مروري مع فآئق الود والتقدير.,.,

__________________



هبشآن .. جعلك تسلم على التوقيع .. والله لآيهينك.,.,



n_q777@hotmail.com

أرحب يا وجه الحباب ..

وصح الله لسانك ..

لاهنت يا يا بو حسن على هذه الرائعة ..

في انتظار ما لديك من الجدايد ..

أخوك/ مشاري بن نملان الحبابي

ناصر بن محمد

مرحب باقي

ولاعليك زود
وصح بدنك ولاهنت على المرور العطر



تحياتي وتقديري

مشاري بن نملان الحبابي

ألا أرحب أنت ياذيبان

وصح بدنك والله لايهينك على المشاركه

وأبشر بالخير ياسنايدي



تحياتي وتقديري

صح لسانك

ابوبندر

صح بدنك ويعطيك العافيه

زايد ابن الزقروط

ارررحب

انت مبدع وجزل


وقصيده كايفه تجبرنا علي متابعتك دائما

وتبشرنا بقدوم نجم جديد


طبت

وصح لسانك يازايد ..

والممدوح كفو ويستاهل وانت تستاهل

__________________

علي مسفر الحبابي

سلمه سلمه

وصح بدنك

الله لايهنك ياخوي على المرور

وشهادتك وسام أعلقه على صدري

وابوسالم يستاهل أكثر من كذا
ولكن بذلنا المجهود ولابدا منا قصور بيعذرنا


وأبشر بالخير ياوجه السعد