خرج القرقاح والدور على ابن زهره

أعتقد ما فيه احد منا يجهل
سياسة برامج المسابقات الشعريه واول ما عرفنا منها شعار المليون
وهذه المسابقات تعتمد على التصويت وهذا بلا شك للكسب المادي
ولكن خروج القرقاح من مسابقة شاعر المعني
أسمحولي اقول أن السبب حنا يا ربعه وانا متأكد ان اكثرناء ما صوت
واللي صوت منا ما تعدى خمس رسائل
فما بالكم بواحد اعرفه شخصياً ومن الزملاء الغالين شرواكم
صوت لأحد الشعراء لييييين انتهاء حده الآئتماني وانفصل جواله وهو من اقصى
ربع هذا الشاعر بيض الله وجهه ووجيهكم
المهم صار اللي صار والفايت ما يرجع
وخروج القرقاح ما ينقصه بعيون جمهوره
والحين يالربع سعيد بن مسفر في امس الحاجه لكم وموقفه محرج
فلا تتهاونون في التصويت وفوزه فوز لقحطان
والرساله او العشر رسائل او اكثر ما بتخسر احد مناء ولله الحمد
وكلامي هذا ما قلته لان الشاعر ابن زهره من الحباب لا والله العظيم
واقسم بالله انه يمكن ما يعرفني وانا ما اعرفه الا من خلال محاوراته
بس موقفه محرج ومحتاج لفزعتناء الوقت الحالي
فلا تتهاونون في التصويت الله يبيض وجيهكم
حبيت اذكركم
والا فان ابن دواس ما قصر بيض الله وجهه ووجيهكم

بيض الله وجهك اخوي سعود


موضوعك عين الصواب


لاكن بإذن الله مايقصرون عوال الشايب


تحياتي لك ياغالي

__________________
[poem font="Traditional Arabic,6,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يلي تسمع كلام فلان وتموه = وتلد بالعين يوم يدق جوالي

ماني بصافي مع الي ماصفاجوه = حتى لوانه رفيق الدرب والغالي


الشاعر/مشخص الفهري[/poem]

سعود اشهد بالله ان ابن زهره يستاهل


ارسلو الرقم 13 على الرقم83314

بيّض الله وجه ابن دوّاس

ووجهك يا بو سيّاف

ووجه ابن زهرة

اللي مثّل قحطان خير تمثيل

وخلّونا من أمس واليوم اليوم

ابن زهرة ينتظر تصويتكم يا قحطان

واخر وقت محدّد هو يوم الجمعة

فــ ليس من المعقول ان يخرج شعراء قحطان

من كل هذه المسابقات الشعريّة

بدون اي لقب

وابن زهرة كفو لــ يحصل على اللقب

والكل اثنى عليه

وقد نخاكم يا قحطان في اكثر من قصيدة

وانتم تعرفون ان الرجال ما ينخى ربعه الا وهو واثف انهم قدها ووافين

وانتو كفو يا قحطان

ولا احد يتعذّر ان هذي برامج فلوس وما .. فلوس

وعقبها يتحسّف على الخسارة

فــ تكفووووووووووووووووووووووووووووووووووووون يا عوال الشّايب

تكفون يا طنخ راسي يالجحادر , تكفون يا وجيه قحطان يا ذبّاحة الخال في الخوي يا عبيدة

تكفون يا رفيدة الحكّام , تكفون يا وجيه سنحان

تكفون يا بني بشر

تكفون يا خلان الاشدّة

تكفون يا معشية عزّام يا ربعي يا الحباب

تكفوووووووووووووووووووووووووووووووووووووون يا عوال الشّايب

__________________
سُبـ ح ـان الله وبحمده .. سُبـ ح ـان الله العظيم

~ًًًَََُ

انا اشهد انك وابن دواس والربع جميع واااااااااافين


والله اني من الداعمين لبن زهره وما قلت هالكلام اهايط به او افتخر فيه
والله ما قلته الا لكي يدعمون اخواني الزملاء لبن زهره

والله انه كفو أســـــــــــد قــــــــحــــــــطــــــــــــان

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

أخوي سعود الحبابي

بيض الله وجهك ووجه ابن دواس

ووجيه الجميع على ما طرحتوه وما ذكرتوا

يعلم الله ووالله اننا لم نذخر من ابو محمد الشاعر الكبير فلاح القرقاح

وكما شاهدت انت والجميع النسب كانت متقاربه جداً وفلاح شاعر كبير

قبل البرنامج وبعده 0

أما عن ممثل القبيله في شاعر قلطة الوطن الشاعر الكبير سعيد بن مسفر بن زهره فكما شاهد الجميع بأنه تأهل للمرحله النهائيه ومعه ثلاثه شعراء من ثلاث قبائل كبيره ولها مكانتها ولهم وقفاتها المشهوده في مثل هذه البرامج والبرامج هذي تعتمد على التصويت فاليوم يوم الوقفه من القبيله مع الشاعر الكبير ابو عوض والذي ما قصر وقال قصيده بأسم القبيله وذكرهم بدون استثنى والمواقف هي اللي تظهر الرجال وتبين فيها الوقفات تكفووون

ابو عوض يستاهل الوقفه الصادقه من الجميع


اليـوم يـوم الرفيـق اللي يـسـمى رفـيـق = والــمـوقـف الـلـي يـشـرف واجــبٍ نــاقـفــه

لاحـدٍ يـدور عــذر بـكره نـهـايـة طـريـق = تكفـون وابـو عـوض أمـس أحـتـمى مـاقـفــه


يومين ويسدل الستااااار والفوز والفـخـر باسم القبيله تكفووون يا قحطان وقفاتكم مشهوده لا يروح اللـقب لغير ابو

عوض فهو من مثل القبيله خير تمثيل بيض الله وجهه ووجيهكم يا قحطان0



أكرر شكري لك يا سعو واقول بيض الله وجهك

__________________
[poem font="Simplified Arabic,5,black,bold,normal" bkcolor="transparent" bkimage="backgrounds/14.gif" border="none,medium,gray" type=2 line=0 align=center use=ex num="0,black"]
ماهو بعيب على الرجـال لأ وقـف = مع ابن عمه أو اصحابه وصدقانه

لا والله العيـب لأ مـن قـام يتلقـف = وخـذا يـردد هـروجٍ مـا لهـا خانـه[/poem]

000000 مهدي الحبابي 000000

السلام عليكم ورحمة الله وبركاته


يبشر بعزه بن زهرة الأحبابي ذيب والذياب قليل

واسد وخوياه اسوووود


حنا مناعير قحطان نوقف معه كفوووووووووووووووووو

__________________

الشكر للأخ هبشان

للتواصل

alhatab_56@hotmail.com

ابو سياف

بيض الله وجهك

وابن زهره يستاهل الوقفه والدعم

وباذن الله خوانه مايخلونه الرجال يشوف المليون

وصلوووووووووووووووووه

لاهن لاهنت

اخوك

__________________

إذا أصابك هم فلا تقل
يا رب ... إن همي كبير
ولكن ..
قل يا هم ... إن ربي كبير

سبحان الله وبحمده سبحان الله العظيم

تكفون يا قحطان لا أحد يخليه من التصويت

سدنا والله خروج القرقاح

تكقون يا الربع

تجملوا

كلها إلا أسبوع

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

بيض الله وجيهكم جميع
على ما تكلمتوا به من الكلام الطيب
ووقوفنا مع من يمثل قبيلة قحطان من الشعراء
اعتقد انه واجب علينا ولا يستغرب مناء
فلكم جميعاً الشكر على المرور بموضوعي ولكم تحياتي