السلام عليكم ورحمة الله وبركاته
اخواني اعضاء منتدى قبيلتي عيال مضيم
يسرني اشارك معكم في المحاولات الشعريه
واتمنى منكم التعليق على المحاوله وابدا الملاحظات

موضوعها: في قبيلتي آل روق وهيضني ربعي اهل الجبيل عندما انتقلت للعمل عندهم ومالقيته من ترحيب واستقبال حار
وماهو غريب هذا الشي منهم فقلت فيهم

[poem=font="Courier,5,crimson,bold,normal" bkcolor="transparent" bkimage="" border="double,medium,black" type=4 line=0 align=center use=ex num="0,black"]
تكفى احتزم ياشعري اليوم ناخيك
ثم اعتصب والعب على كل طاروق
افتل شوارب فزعتك في قوافيك
وجزل المعاني خلها تصير منطوق
واملى شليلك بالفخر والتباريك
وزهب دلالك واسكب البيت برفوق
واجمع بنات الفكر من دون تفكيك
واقبل مثل غيمة وسم ساقها بروق
وباتنقى في بحورك وبعطيك
صافي قريحه جامعه طيب مع ذوق
تدري من اللي شاقني قمت اوصيك
ربعي مثنيت الصعب مرثة روق
في فعلهم دوله على ايامنا ذيك
تاريخهم حافل ولاهوب مسبوق
انشد هل الهيات والعلم ياتيك
قوم سوات السيل نطاحه غروق
خيالهم يسوى كتيبة مماليك
مابين سيف وخنجر ورمح مزروق
ياهاجسي غرد وانا قول لبيك
في الخلبه اللي قدرها عالي فوق
حازو سنام المرجله في المداليك
ونبتوا من غصون الكرم تمر وعذوق
كبيرهم حكمه وشوره يقديك
وصغيرهم ياصل ولاهوب مطفوق
اذا اعتزى واحد ابشرك يكفيك
ياقف شعر جلدك وتاقف بك عروق
ربعي رصيدي مانتظر دفتر الشيك
هم عزوتي هم فزعتي هم غايت الشوق
يالله طلبتك يامجيب لداعيك
تديم ربعي فوق ثم فوق ثم فوق[/poem]

صح لسانك
بيض الله وجهك على القصيدة

__________________
][®][^][®][سبحان الله وبحمده.... سبحان الله العظيم][®][^][®][

صح بدنك يابن روق

ربعي رصيدي مانتظر دفتر الشيك
هم عزوتي هم فزعتي هم غايت الشوق
يالله طلبتك يامجيب لداعيك
تديم ربعي فوق ثم فوق ثم فــــــــــوق






اطرب ألمن سمعت لـــهل الــذوق
ناس تجدد شغــلها ابــــــــرواقه
ترسم خطوط لشعرها تايه فوق
وتترك هل الغيبه واهل الحماقه

مشكور ابو سعود لأنضمامك الى الشبكه وانت مكسب وانا اصلأ متابع لقصائدك ويعطيك الف عافيه نتظر كل جديد منك

بالنسبه للقصيده/ ابداع ابو سعود والله قصيده مليانه وربعك روق يستاهلون و ماضيهم مشرف

تقبل تحياتي

بسم الله الرحمن الرحيم
السلام عليكم ورحمة الله وبركاته
صح لسانك
بيض الله وجهك على القصيدة

بسم الله الرحمن الرحيم
السلام عليكم ورحمة الله وبركاته


صح لساااااااااااااااااااااااااااااااااااانك


والله يحفظك

__________________

صح بدنك ومشكوووووووووور على المرور

اررررررررررررحب يامبارك

صح الله لسانك وبيض الله وجهك على القصيده

ال روق اشهر من نار على علم وافين الاشبار

تقبل مروري

ماعليك زووود يابو تركي
ويشرفني مرووووورك

أخي الفاضل مبارك بن ذيبان

صح لسانك يا أباسعود

وقصيدة وافيه من رجال واااااااافي في قبيلة وافيه ورجالها واااااااااااااااااافين

وأنت أكيد إنك تستاهل وربعك آلاد روق مبعدة مساريح البكار كفو ولا فيهم شك

وتقبل صدق مودتي

أخـــوك ومـحـبـــك / جـــزل الـعـطـــايـــا