شبكة قحطان - مجالس قحطان - منتديات قحطان - ربعي مثنيت الصعب مرثة روق

- مجلس الخواطر والمحاولات (https://www.qahtaan.com/vb/forumdisplay.php?f=45)

- - ربعي مثنيت الصعب مرثة روق (https://www.qahtaan.com/vb/showthread.php?t=31565)

ربعي مثنيت الصعب مرثة روق

السلام عليكم ورحمة الله وبركاته
اخواني اعضاء منتدى قبيلتي عيال مضيم
يسرني اشارك معكم في المحاولات الشعريه
واتمنى منكم التعليق على المحاوله وابدا الملاحظات

موضوعها: في قبيلتي آل روق وهيضني ربعي اهل الجبيل عندما انتقلت للعمل عندهم ومالقيته من ترحيب واستقبال حار
وماهو غريب هذا الشي منهم فقلت فيهم

[poem=font="Courier,5,crimson,bold,normal" bkcolor="transparent" bkimage="" border="double,medium,black" type=4 line=0 align=center use=ex num="0,black"]
تكفى احتزم ياشعري اليوم ناخيك
ثم اعتصب والعب على كل طاروق
افتل شوارب فزعتك في قوافيك
وجزل المعاني خلها تصير منطوق
واملى شليلك بالفخر والتباريك
وزهب دلالك واسكب البيت برفوق
واجمع بنات الفكر من دون تفكيك
واقبل مثل غيمة وسم ساقها بروق
وباتنقى في بحورك وبعطيك
صافي قريحه جامعه طيب مع ذوق
تدري من اللي شاقني قمت اوصيك
ربعي مثنيت الصعب مرثة روق
في فعلهم دوله على ايامنا ذيك
تاريخهم حافل ولاهوب مسبوق
انشد هل الهيات والعلم ياتيك
قوم سوات السيل نطاحه غروق
خيالهم يسوى كتيبة مماليك
مابين سيف وخنجر ورمح مزروق
ياهاجسي غرد وانا قول لبيك
في الخلبه اللي قدرها عالي فوق
حازو سنام المرجله في المداليك
ونبتوا من غصون الكرم تمر وعذوق
كبيرهم حكمه وشوره يقديك
وصغيرهم ياصل ولاهوب مطفوق
اذا اعتزى واحد ابشرك يكفيك
ياقف شعر جلدك وتاقف بك عروق
ربعي رصيدي مانتظر دفتر الشيك
هم عزوتي هم فزعتي هم غايت الشوق
يالله طلبتك يامجيب لداعيك
تديم ربعي فوق ثم فوق ثم فوق[/poem]