حنا قحطان مداوية كل عله

[poem=font="Simplified Arabic,4,black,normal,normal" bkcolor="transparent" bkimage="backgrounds/15.gif" border="double,4,gray" type=0 line=0 align=center use=ex num="0,black"]



ابن المكودر لابدى طاري له = يتعب على نظم البيوت الفريده
شعر( ن) ماهو سوالف(ن) في مجله = ولا هو كتابة كاتب(ن) في جريده
اخذ الخبر من شاعر(ن) ما تمله = ولا جاك بيته ودّك انّه يعيده
قصده ينومس راعي الطيب كله = اللي على شانه كتبت القصيده
هذاك ابن جرمان في وقفة له = مع ربعه اكلب وآل حارث عبيده
عفا وكن اللي حصل ما حصله = واشر على رب المخاليق بيده
الطيب طيبه والوفاء عادتله = وماهي على راس العواجي جديده
لا صار وقفات الفخر في سجله = هذي بعد محسوبة(ن) في رصيده
يستاهل وكلمة نعم تمتثله = والله على درب المراجل يزيده
ولا صارت اكلب في اللاقى عزوتله = قلت العدو تصلاه نار(ن) وقيده
ياسعد منهم دايم (ن) محزمله = لا طق في راس الحديده حديده
قلته ولا انسى اللي محلي محله = الشيخ مطلق والمواقف عديده
كل(ن) شهد وانا بعد شاهد(ن) له = الطيب يتعب له والارياء سديده
واخوه نايف دايم(ن) مسند له = عز الله انه في المواقف وليده
فلا قلت انا شيخ المراجل ندله = فترى كلامي ياهل العرف ميده
اشهد شهادة حق والشاهد الله = انه بعد عمر(ن) طويل (ن) فقيده
نسل الوفاء جعل الردي فدوتله = وجعل السنين اللي بعمره مديده
يضحك مع الغالي وكنّه اخوله = واذا لطم لطمة قعيد لقعيده
قلته ولا انسى ساس عزّي لا والله = قحطان والرؤوس العنيده عنيده
لا جاء نهار السيف الاملح تسله = واللي حربها في المواجه تبيده
حنا قحطان مدواية كل عله = اهل المواقف والسجايا الحميده
نقّدر اللي شايب(ن) حشمة له = ونثّمن اخطى اللي خطاهم بعيده
والضيف لا جانا يبي لازم له = يبشر بمطلوبه وبيته نشيده
ويبشر بعود ازرق وفنجال دله = وكرامته تفعل ونفسه سعيده
والجار نرضى من زعلنا رضى له = واللي يبيه يصير مهما يريده
والكفو ندمح له ثمانين زله = واللاش نطوي في المهمات قيده
عشنا ولا نرضى بعيشة مذله = وارواحنا يوم الملاقا شهيده
يقولها اللي لا حكى ما تمله = ولا جاك بيته ودّك انّه يعيده


وسلامتكم [/poem]

__________________
قالها اللي مايخوجل في كلامه _عاطفي(ن) يعتزي بالعاطفيه

فهد المكودر


السلام عليكم


كفو والله كفو

من ابداع إلى ابداع


.

__________________
مجموعة من صوري





مدونتي

جزاله +ابداع

صحححححححححححححححححححححححح السان الشاعر

لاهنت اخوي فهد على القصيده الت تعبر عن نفسها

ولقد سعدت عندما سمعتها منك شخصين في الحفل


اخوووووووووك

ابن عااااااااااااااااصم

__________________
ماهقيت إن للجمايل على الدنيا جحود
لين معروفي بذرته بنـاس وجحـدوه

أشهدٍ من يفعل الجود في من لا يجدود
مثل من حجج على غاربه ذباح بـوه


الشاعرالكبير _ حمد بن هادي المسردي

صح لسانك يافهد

من ابداع الى ابداع

صح لسانك يالقرم

قصيده جزله من شاعر(ن) ماتمله

وبيض الله وجه الشيخ العواجي اللي عفى عن آل حارث

وبيض الله وجيه الشيخ مطلق الدسم واخوه نايف الدسم
على مواقفهم اللي ترفع الراس

__________________

بيض الله وجه ابن جرمان

المسامح كريم الله يكرمه في الدنيا والاخره

وصح الله لسانك يافهد

ابدعت في ذا الجزلة

لاهنت لاهنت

__________________


[frame="1 80"]][][§¤°^°¤§][][استغفر الله][][§¤°^°¤§][][[/frame]

الاخ / ابو ياسر

اشكر ك على مرورك ومتابعتك

تقبل تحياتي

اخوك / فهد المكودر

__________________
قالها اللي مايخوجل في كلامه _عاطفي(ن) يعتزي بالعاطفيه

صح الله بدنك يالمطيري

لا هنت

__________________
قالها اللي مايخوجل في كلامه _عاطفي(ن) يعتزي بالعاطفيه

ابن عاصم

مرورك شرف والله لا يهينك

تقبل خالص تحياتي

__________________
قالها اللي مايخوجل في كلامه _عاطفي(ن) يعتزي بالعاطفيه

صح الله بدنك يافارس قحطان

ولاهنت على مرورك ومتابعتك

__________________
قالها اللي مايخوجل في كلامه _عاطفي(ن) يعتزي بالعاطفيه