خدّام اخو نوره على الشر والخير

[poem=font="Simplified Arabic,4,black,normal,normal" bkcolor="transparent" bkimage="backgrounds/15.gif" border="groove,4,gray" type=0 line=0 align=center use=ex num="0,black"]

بسم الله الرحمن الرحيم

اسعد الله اوقاتكم بالخير والمسرات

قصيده بمناسبة الحمله الوطنيه ضد الارهاب



الاوله باسم الولي عالي الشان = الخالق الرازق حسين التدابير

باسمه توكلت ابتدي وارفع اعلان = مصوّره في منهج الفكر تصوير

احمله بيدي وارفعّه فوق الامتان = ويفخر به الشعب السعودي عن الغير

فيه الولاء اللي من على عهد الابوان = وحنّا عليه ومانبي فيه تذكير

وفيه الوفاء اللي يرجح بكل ميزان =ومايختلف لو صار بالوقت تغيير

عهد(ن) علينا باقي(ن) طول الازمان= ونجدده للي يقود الطوابير

اللي مشى حكمه على نهج الايمان = واللي عطى شعبه معزّه وتقدير

فهد العرب سور(ن) على كل ميدان =ورجل الوفاء اللي مايجي منه تقصير

ياسيدي عاش الوطن بأمن وامان = بقيادتك يامطوّر الشعب تطوير

يانسل ابو تركي وياعزّ الاوطان = وياذخر شعبك في الليالي المعاسير

ويادرعنا لاثار في الجو دخان =وياعزّنا اللي عالي(ن) بالمواكير

لك وقفت(ن) يؤخذ لها الف حسبان = ولك هيبة(ن) هزّة طوال الشناتير

مدتك فيها عدل وانصاف واحسان = وضربتك فيها للمعادين تعزير

وقفتك تنّبي عن معزّه وعرفان = وجلستك ترفع راس شعبك عن الغير

ولا هان ابو متعب راع الخير لا هان = يسّر لنا صعبات الايام تيسير

اللي على سطح الفخر والوفاء بان = واللي على العليا يسوق التباشير

والله يخلّي للمواجيب سلطان = افعال طيبه بين ورد ومصادير

والله يطول عمر نايف وسلمان = تبذل على الشعب السعودي مخاسير

اخوان نوره للوطن ظل وكنان = الله يجنّبهم سهوم المقادير

وحنّا لهم نبقى ولو كان ما كان = في كفّة(ن) اثقل من طويق والنير

وحنّا لهم رجل(ن) على قلب ولسان= خدّام اخو نوره على الشر والخير

شعب وقياده ساسها خير برهان = على مسار اهل الوجيه المسافير

امجوّدين اصل الفرائض والاركان = ومكبرين الله على الحق تكبير

واللي يعارض منهج الله غلطان = نرميه حتى نوصله قاعة البير

ماهوب منّا كل جاحد وخوان = وحتى لوان هواخو لنا نقطع السير

يخسى ماهو منّا ولا يحسب انسان= خنزير واللي يقتل النفس خنزير

الارهاب لازم نردعه قدر الامكان = ونطّهر ديار الوطن منه تطهير

وحنّا رجالك ياوطن والوعد حان = للي يفجّر في روابيك تفجير

فكره تلخبط بين حاسد وشيطان = حتى رمى به وسط حفرة زمهرير

وقدّامه جمال(ن)تعضض بالاسنان = وقافيه دعوة مسلم وصيحة صغير

مايدري انّه تالي الوقت خسران = لأن الوطن دونه رجال(ن) مناعير

تبقى علىعهد الوفاء طول الازمان = وتجدده للي يقود الطوابير

يقولها شاعر ومن رؤوس قحطان = خدّام اخو نوره على الشر والخير [/poem]

__________________
قالها اللي مايخوجل في كلامه _عاطفي(ن) يعتزي بالعاطفيه

بيض الله وجهك


يالقرم


سجل اعجابي

وننتضر المزيد

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

[grade="00008B FF6347 008000 4B0082"]دكتور الشعر
السلام عليكم ورحمة الله وبركاته
قصيده يستحقها الوطن
ولاهي غريبه منك جزل في كل شي حتى المعاني
الله يحفظك ويكفيك شر الاشرار ايه الشاعر العملاق[/grade]

يض الله وجهك وهاذي القصيده ترفع روسنا وتعتبر قصيدتنا كلنا وتحري بكل طيب ياالمكودر والله يخلي لنا دكتور الشعر

__________________

مرحبا مليون بك يا عبدالله

والله ان متابعتك لي تزيدني شرف

الله لا يهينك وتقبل تحياتي

__________________
قالها اللي مايخوجل في كلامه _عاطفي(ن) يعتزي بالعاطفيه

وعليك السلام ورحمة الله وبركاته

ومرحبا بك مليون

يا عاشق الوطن

واشكر على كلامك الطيب

تقبل تحياتي اخوك / فهد المكودر

__________________
قالها اللي مايخوجل في كلامه _عاطفي(ن) يعتزي بالعاطفيه

ومن قال يابن ملهي

ومرورك تكريم لنا عسى عمرك طويل

__________________
قالها اللي مايخوجل في كلامه _عاطفي(ن) يعتزي بالعاطفيه

صح لسانك يادكتور الشعر


وانا دائماً بانتظار الجديد من قصايدك


اخوك

__________________

صح بدنك يافارس قحطان

وعسى الله يجملنا عندك وعند غيرك

تقبل تحياتي

__________________
قالها اللي مايخوجل في كلامه _عاطفي(ن) يعتزي بالعاطفيه

اخي فهد

السلام عليكم

صح لسانك وما قصرت
والجزل ما منه الا جزل

__________________
مجموعة من صوري





مدونتي