عبدالله بن شايق وفيصل الرياحي محاورة غناتي الاخيره

هذه المحاوره جرت بن كل من الشاعر الكبير عبدالله بن شايق والشاعر فيصل الرياحي

في الحفله التي اقامها الشيخ عبدالهادي بن معيض الحبابي في قاعة غناتي يو الخميس 4/10/1427هـ

بحظور الشعراء فلاح القرقاح و مهدي الحبابي و محمد السناني و عبدالله بن عتقان و ابراهيم الشيخي

نترككم مع المحاوره ونتمنى ان تحوز على رضاكم
.
[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
بن شايق
مراحب وارحبو يا مرحبا ترحيب شوق حار = أحط ايدي على العله وآداويها وآعالجها
انا والله ما آبسط لين آثور عجة الشعار = وآشوف الملعبة يختظ داخلها وخارجها
الرياحي
يدوم لك البقاء دام البقا عند اللقاء ما بار= لنا منهج ونعرف عادة الناس ومناهجها
ليا حصلت لك بستان حول وأقطف الازهار = ترى العربان تقدر تحرجك قدام تحرجها
بن شايق
صدق من قال يا زين العلوم ان سلمت التكرار = وكذب من قال ترديد السوالف مايسمجها
أنا عندي سفينة طايرة ربانها طيار = بحرها للجنايز والمقابر في مدرجها
الرياحي
أنا خابرك تاجر تعرف الاسواق والتجار = لكن أذاعتك منذو سنه خربت برامجها
تحولت السفينه طايرة يا لله يا ستار = سفينة طايرة صوب السماء وانت امتولجها
بن شايق
انا بالشعر متنبي شهاده من طوال اعمار = وانا ما آهرج الكرعان بل الروس آهرجها
يقولون الرخوم تشك لكن الحرار احرار = آسمع ناس واسمعها ما تزعجني ولا أزعجها
الرياحي
وانا للشعر مثل الجامعة يا الطالب المكار = أدرسك أنت مع طلابها واحضر تخرجها
ابن شايق خطب ليلى وأظنه حلم ليل وطار = خطبها له ثلاث سنين وازرى ما تزوجها
بن شايق
يا زين العفو والغفران يا معبود يا غفار = عرب متشنجه واليا متى يكبر تشنجها
بغيت أنسى هوى ليلى وآطلق حبها السحار = لكن ليلى حلالة قوم ساحرني تغنجها
الرياحي
أنا بآخيرك يا خوي في المعذار والمقدار = ترى ظيفك ما حقه بالعلوم اللي تمروجها
زمانٍ فات تغنج لك وتهرج لك بعض لسرار=وهالحينه ما تقبل لو على ظهرك تحججها
بن شايق
مسا الخير وصباح الخير ودك خير ولا خار = كلامي جرهدي ماهو بـ اشاعاتٍ تروجها
لنا وجه ولنا جاه ولنا مثل القبايل كار = وبعض الناس لا كار ٍ ولاجاهٍ ولا وجها
الرياحي
علومك لا تطولها يا بن شايق وهي قصار = ترى الافعال والاقوال تحسب من نتايجها[/poem]

__________________

ابو مسفر


بيض الله وجهك على هذا النقل الجيد



وبيض الله وجه بن شااااااايق على هذه الرائعة



وهذا العشم في شعراء قحطان



تحياتي يا ذيبان



اخوك

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

لاهنت لاهنت



تقبل تحياتي

جعلني والله مابكييك ياذيبان بالحرام
وبالطلاق انك كفو ووافي يا شبل قحطان
وهذا المحاوره عادت بنا ايام الاسطوره
ابن شايق يوم كان يرج الشعراء رج
الف الف الف شكرللاستاذ المبدع القويقل

لاهنــــــ يالذيب ـــت

__________________

الله يعطيك العافية على النقل الجيد
ومشكور يابو مسفر

لا هنت على النقل ياذيب وبيض الله وجهك لا عدمناك

__________________

سفير بني بشر

ما أبي لا تواقيع ولا صور،،،،

يكفي أسمي بني بشر ينحني له الف شمس وقمر،،،،

يكفي أذا طرونا الناس قالوا لنا هلا،،،،

وأذا طرينا الناس ردوا أمرنوا أمر،،،،

يكفي أننا لهم جرح ودوى،،،،

وأغلب كلامنا يشوفنه عبر،،،،

ما هو غرور لي قلنا أن لهم شرف،،،،

وهم بعد لي أحسبهم أكبر فخر،،،،، قحطان

القويفل

ألف ألف شكر لك على النقل الرائع والمميز


وبيض الله وجهك ابن شايق وصح لسانه

وصح لسان أبو بدر

شعار من الوزن الثقيل ومحاورة رائعه كروعة الشعار ،،


أخووووووووك

أرحب لاهنت ياذيبان بيض الله وجهك