@@ شرهة الطيّب على الطيّب مليّه @@

[poem=font="traditional arabic,6,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="1,black""]

شرهة الطيّب على الطيّب مليّه = و الوفي ما يِلحق الهافي حسافه

قم و انا ناصر على ظهر المطيّه = احتزم بي لا تحسّب للكلافه

ما كسبنا الصيت الا بالعطيه = و الصمايل و الصقايل و النيافه

في زمان الباس و الحرب القويّه = فعلنا بيّن و لا يبغى إضافه

ما نخون و لا نبور بكل جيّه = وجهنا واحد و لا شيٍ نخافه

غير رب الكون خلاّق البريّه = وحده المعبود ما نطلب (إ) خلافه

ارتكينا للصحيب بكل هيّه = ما حسبنا للخساير و المسافه

(إ) قحطاني و المراجع جحدريّه = ابن مسحم و العزاوي من صلافه

نعتزي بالجد الاول بالحميّه = موج بحرٍ ما تحطم في ضفافه

شيخنا شيخ قحطان اليعربيه = ما هي بشيخة دراهم او صحافه

شيخنا سلطان عز و مقدريّه = بن خليل اللي تسيّد بالخلافه

من بعد راعي البويضا جا صبيّه = مثل ابوه و كل علمٍ منه حافه

يا مسولف بالحروف الابجديه = جاك شعرٍ من كريم العد قافه

محتزم بالطيب و احزام لـ خويّه = عدّها يا مدوّر الطيّب ثقافه

قم و انا ناصر على ظهر المطيّه = و احتزم بي / لا تحسّب للكلافه

ما كسبنا الصيت الا بالعطيه = و الصمايل و الصقايل و النيافه [/poem]

اجمل التحايا
ناصر السحيمي

شـيـخـنــا شــيـــخ قـحــطــان الـيـعـربـيـه


ارحب ياناصر تراحيب الحيا وزود

ومليون نعم بك وبشيخنا سلطان بن خليل رسٍ قطيب ولاانت بمعذور ياناصر في غيابك وحضورك واجب عليك لنا ياربعك

ارجوا ان يتسع صدرك لهذه المداخله وتبلغها شيخنا المقدام سلطان بن خليل الله يمد في عمره على طاعة الله



كنت انا واربعه قحاطين اثنين من بني بشر وواحد من سنحان وواحد من ال سعد الجحادر في احدى الدوائر قبل 15 عاما

وكلنا ياخمسه لانعرف بعض وفجئه صاح رجل يستغيث ويقول ياعيال الشايب ياعيال ابوي ففزعوا كل قحطان الموجودين وهم حنا ياخمسه وكما اسلفت لانعرف بعض

فوجدنا رجال ضربه احد المسئولين في هذه الدائره ضربه مشينه على وجهه ودمه ينزف

فهجمنا على المسئول كل على قداه وبعد ان انتهينا قبض علينا ياخمسه وتعارفنا على بعضنا في التوقيف لكن الطامه الكبرى ان الرجل المضروب الي فزعنا له عتيبي وليس بقحطاني وقد استصرخ بعيال الشايب يفكرها انها ليست لقحطان جهل منه

لكن ماقصروا العتبان تنازلوا عن المسئول لاجلنا ودفعوا له مبلغ وتم التنازل ولم نتوقف سوى نصف نهار

الخلاصه

اليس الشايب الذي جمعنا بهذا الاسم هو محمد بن هادي وانتم احفاده

اننا نتطلع ان ياخذون ال قرمله مكانهم في مقدمه صفوف قحطان عندما تحل علينا المحن في طلب الرقاب فهم والله خير من ياقف اذا وقفت العلوم ولهم قابليه وتقدير لدى قحطان كافه

ونتطلع بكل شغف ان يشاركوننا في الافراح والكرامات والاعياد

ربعي لي أطوع من محب لوده --------- وارفالهم كني ولي العيالي

اتبع مصالحهم بلينن وشده -------- وأكسر بهم عظم الحريب الموالي

نتعشم مراعاه هاذين البيتين وتطبيقها لتسمو القبيله وتسمو الشيوخ


يؤلمني جدا هذا الغياب المؤلم لشيوخ قحطان ال قرمله فعسا ان يكون المانع خيرا فشرهة الطيب على الطيب مليَه

تحيتي ومودتي وجل احترامي لك ولشيخنا سلطان

__________________
ربنا اتناء في الدنياء حسنه وفي الآخرةِ حسنه وقنا عذاب النار
<<<<<<<<<<<<<<>>>>>>>>>>>>>>>>>
يارب قدم اليك عبدا نحبه ويحبنا فاوسع مدخله واكرم نزله اللهم ارحم عبدالله بن عبدالعزيز

اللهم يارب العالمين
ان تحقظ لنا ولات امرنا
وان تمد ملكنا سلمان الحزم بالنصر والظفر
اللهم ان تقوي عزائم المحمدين على طاعتك
وسلطهم على كل فاسق ومنافق واصلح بطانتهم

ارررررررررررررحب ياناصر

صح اللسانك على هذه الدرة المكنونه جعل اللسانك

مايعجم ويستاهل ابو خالد المدح

تقبل خالص شكري

__________________
محمد بن عبيان آل سالم الفهري

(إ) قحطانـي و المراجـع جحدريّـه ابن مسحم و العزاوي من صلافه
نـعـتـزي بـالـجــد الاول بالـحـمـيّـه مـوج بحـرٍ مـا تحطـم فـي ضفافـه



صح لسانك ونعم مليون

صح لسانك .. اعتلا شانك....قصيدة وافية من شاعر وافي

تقول وتطول


صح الله لسااااااانك مليون ولا يكفون


شاعر كبير ولا فيك حيله


ودائماً تفاجئنا بالجزيل


ولايبطي جديدك ياكحيلان