شرد الافكار ما يصعب علـي تطويعـه
في مرب اللي يجيه من القنوص اجفالـي

وسط ريضان الفكـر والغيـم والطبيعـه
في مداهيل القصيد اللي تجي فـي بالـي

في قفار الراس ندرهـا علـي تجميعـه
واطيب الندر على خـده وسـم حلالـي

لي على الهاجس يصيد وله علي تسميعـه
للرجال اللي يبون الشعـر نقـد ريالـي

تقول وتطول يابو معتز
في زمان ثلـث شعـاره هـل التلميعـه
ظاهرين من معارك حرب صوت ومالي

وثلثه الاخر هـل الفزعـات والتسنيعـه
سمو اعيالً بنـاس مـا تجيـب اعيالـي

وثلثهم لاساس وفـق المنهـج وتشريعـه
ما يصح الا الصحيح اقوال والا افعالـي

والعذر جـات القصيـده فكـرةً سريعـه
واقع الشعر الحقيقي في الزمـان التالـي

واختلاف ارى البشر من خلقهـم طبيعـه
واتفاق الناس فـي شـيً وحيـد محالـي


رااااائع بكل حالاتك يابو معتز (ان جات سريعة وان جات على الكيف) الجزل مايجيب الا الجزل

وصح الله لسانك ولا هنت يابو معتز

الاخ ماجد يشرفني ان قصيدتي ارتقت الى ذائقتك واشكرك على ماذكرت
وشرفني مرورك , لاهنت طال عمرك تحياتي