الجديد...بعد العيد (هاجس الشعر)

هذه القصيده للتواصل وتعبر عن نفسها ارجو ان ترتقي الى ذائقتكم

(هاجس الشعر)

[poem=font="Simplified Arabic,6,blue,normal,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
الرفيق اللي تناسى رفقتـي مـا بيعـه= لو يخيب الظن فيـه وتنقطـع الامالـي

لين يظهر لـي جفـاه ويبشـر بتوديعـه= ما وراهـا الا افـراقً يسبـق الاجالـي

وش اسوي (طاعك الزمـان والا طيعـه)= المثل قالـه وهوغالـي ويبقـا غالـي

وان رحل ففجوج الارض اللي يبي وسيعه= والبقـا للصاحب اللي كلما يطـرالـي

هانت الفرقـا علـي وهانت الفجيعـه= شعري اللي لانخيتـه فالمواقف جالي

ارتفع به عن هروج الانفس الوضيعه= وانظمه والبن بني والدلال ادلالي


هاجس الشعر الجزيل يسوقني واطيعـه= لين ياقف بي على الجم القراح الحالـي

شرد الافكار ما يصعب علي تطويعـه =في مرب اللي يجيه من القنوص اجفالي

وسط ريضان الفكر والغيـم والطبيعـه= في مداهيل القصيد اللي تجي في بالـي

في قفار الراس ندرها علـي تجميعـه= واطيب الندر على خده وسـم حلالـي

لي على الهاجس يصيد وله علي تسميعه= للرجال اللي يبون الشعر نقـد ريالـي

في زمان ثلث شعـاره هـل التلميعـه= ظاهرين من معارك حرب صوت ومالي

وثلثه الاخر هل الفزعـات والتسنيعـه= سمو اعيالً بناس مـا تجيـب اعيالـي

وثلثهم لاساس وفق المنهـج وتشريعـه= ما يصح الا الصحيح اقوال والا افعالي

والعذر جات القصيـده فكـرةً سريعـه =واقع الشعر الحقيقي في الزمان التالـي

واختلاف ارى البشر من خلقهم طبيعـه= واتفاق الناس في شـيً وحيـد محالـي[/poem]

وسلامتكم جميع
مع تحيات اخوكم ابومعتز الفهري

ارحب تراحيب المطر يابو معتز شامخه كـ شموخك صح السانك يالقرم

تبقا وتدوم يا عبدالعزيز وصح بدنك شرفني مرورك , تحياتي

أرررررحب يابو معتز

وصح الله لسانك يالقرم قصيدة وافية وأنت وافي

والله يبيض وجهك ....

تقبل مروري...

سلمه وصح بدنك يا عامر و وجهك ابيض مرورك شرفني , تحياتي

بيض الله وجهك جديدك مثل قديمك كله جزاله وابداع وليس مستغرب من شاعر مثلك مبدع ويرفع الراس.
تقبل تحياتي

__________________

ابو معتز


ابدعت لانك منبع للابداع



والشهاده مجروحه


تحياتي يالغالي

أرحب يبو معتز تراحيب المطر


صح الله لسانك وبيض الله وجهك يالقرم والله لايهينك




تقبل تحياتي وتقديري

__________________

اررررررررحب ملاييييييييييين


وبيض الله وجهك بياض الشحم على هذا التفرد والواقعيه والجزاله


ونصك ثري ومغاير


ولا تبطي بجديد ما يخطه قلمك


تحياتي لك

و وجهك يا ابو مسفر ومعليك زود مرورك شرفني لاعدمتك , تحياتي