بسم الله الرحمن الرحيم



مريض بالمستشفى كل ما يطلع أحد من عنده يـضحك



(( قصة طريـفة و واقعيـة ))
جلس ذلك الرجل على السرير الأبيض ... في إحدى المستشفيات في بلدنا الحبيب .
وكان كل جسمه شاش ورجلينه كلها جبس
وما تسمع إلا الآهات
ماغير يحن ويون من الأوجاع اللي فيه
عاد أنا قلت يمكن إنه مسوي حادث قوي
أو إنه محترق أو أو أو ... إلخ
المهم جت الساعه 4 العصر
وبدأ وقت الزياره
أنا أستغربت من شي غريب مره
كل من جاء يزور هالشخص يطلع من عنده ميت من الضحك
أنا جاني الفضول وقلت وش السالفه ؟
وعلى هالحال كل من جاء وسلم عليه ما تسمع إلا ضحكهم من وراء الستاير
أنا قلت لازم أعرف وش السالفه ...
انتهى وقت الزياره
وأنقز له على طول !
وأتشافا له وأقوله الحمد لله على السلامه
عسى ماشر ومن هالكلام
وأنا كل همي أعرف ليش يضحكون ؟
المهم قلت له : أنا أشوف اللي يجونك ما يرحون من عندك إلا و ضحكهم واصل آخر المستشفى !
قال لي : هههههههههه ليـش عاد أنت حاسدنا على الضحكه ؟
قلت له : لا يـاخوي مو كذا السالفه والله لو عندك مليون كان يمكن أحسدك !
بس إضحكوا عادي خذوا راحتكم بس بغيت أعرف السر يعني ؟
إذا ما عندك مانع .
قال لي : طيـب ولا يهمك ... أنت مثل ما تشوفني مكسر ومربط بالشاش .
قلت له : أيـوه والله ... الله يشفيك .
قال لي : يا طويل العمر أنا ساكن في شقه في الدور الثاني ، وعندي بلكونه مامن زيـنها ،
وإذا نمت فتحت باب البلكونه وطفيـت النور وتسدحت على السرير .
ويوم نمت على السرير . وغصت في أعماق أعماق نومي ،
حلمت اني في يوم القيامه ! وحلمت مثل ما تقول ان الناس في مكان مثل موقف الباصات
وفيه باصات رايحه للجنه وباصات رايحه للنار !!!
المهم الجماعه ينادون بالأسامي .. فلان بن فلانه باص النار ... فلان بن فلانه باص الجنه ..
وهكذا ...
فلان بن فلانه .. هاه هذا أسمي .. وقلبي يـدق و يـدق .. روح باص الجنه .. اوووه الحمدلله أرتحت .
ومشيـت أدور على الباص اللي مكتوب عليه إلى الجنه ... وحصلته ودخلت فيه .
مشيـنا بالباص وبعد فترة جاتنا لوحه مكتوب عليها
(( الجنه 50 كيلو )) ، (( النار 100 كيلو ))
وهذا وحنا مع اللوحات .. والله ونتعدى الجنه ... قلت يمكن السواق يـعرف مكان لباب ثاني .
شوي وشفت النار 15 كيلو ... وبعد شوي النار 10 كيلو ... وكل شوي نقرب من النار .
يا رجال وش السالفه .. المشكله الناس ساكتيـن وما أحد قلقان في الباص إلا أنا .
قلت بدخل عالسواق وشفته معطيني ظهره ... هي أنت وين رايح ؟
قال لي بدون ما يلتفت : رايح النار يا حبيبي .
قلت له : أنا من أهل الجنه .. وليـش توديني النار يا وجه النحس ؟!
وألتفت لي ... طلع هو إبليس !!!
الله يلعنك . أنا من أهل الجنه .. يا ملعون لا توديني النار .. أنا من أهل الجنه .
والله العظيم إني من أهل الجنه ، تو من شوي قايلين إسمي ، وقف يا ملعون ، وقف يا ملعون .
وهذا أنا أصارخ ... وهو بأنواع الضحكات الشريره هاهاها ... هاهاها ... هاهاها ...
قلت له : يا ملعون وقف !!! أبي أنزل !!!
قال : والله الباص هذا مبرمج على انه ما يوقف إلا في النار ... تبي تنزل أقفز منه .
وركضت على الباب وفتحته ... وهوووب
ولا وعيت إلا في المستشفى ... قافز من البلكونه ... في الحوش !






القصة حقيقيه ... وحصلت لواحد كان منوم في مستشفى المجمعة العام
دخيلكم لا أحد يحلم تعوذوا من إبليس قبل تنامون

استغفر الله اللهم لاشماته بس من جد شي يضحك


ودمتم لمحبكم

ابن دغيٌم الجحلي

__________________

ههههههه

الله .. ان شاء الله يركبنا معاك وشباب الاستراحة في الباص الثاني .. قل امين .. خلنا نتمتع بالحور العين .

خل اعضاء المجلس العام في الباص الاول ...

الظاهر رفيقك مكثر كبسة بالليل وجاته الكوابيس ...

الله يسعد يا ابن دغيم

لاهنت

__________________

.


ونعم يابن دغيم



سبقك ابن شرعاء

http://www.qahtaan.com/vb/showthread...ED%DC%D6%CD%DF

الله يعطيك العافية .

تقبل تقديري وحكاي والسلام



.

اي حور عين في الباص الثاني مافيه الا ابو لهب ومسيلمه..

ركز يا بو عصام الكبر شين

__________________
اضغط هنا لزيارة مواضيع محمد آل سويدان


.الساعه درجة الحراره.

V

عدد زوار مواضيعي
V

شكراً يا الغالي على المشاركة الرائعة ,والله مشكلة الحلم هذا يبيله حديد على النافذة

أرحب يابو عصام تراحيب الحياء

بأذن الله كلنا من اهل الجنة والحور العين سواء منتديات قحطان

والمسلمين كلهم يارب . ولاهنت عالمرور العطر وبيض الله وجهك يالقرم

__________________

أرحب ياخوي جناب

وبيض الله وجهك عالمرور يالقرم

__________________

ماعليك زود يا ابن الشايب

وانا والا بن شرعاء كلنا واحد وفي خدمة المنتدى وان سبقني

فعادته الطيب شرواك والنعم فيكم يالثنين ولا هنت عالمرور العطر يالغالي

__________________

أرحب يامحمد تراحيب الحياء

هههههههههههههههههه شكل بو عصام يبي يخدعني يبغانا من ركاب باص ابليس هههههههههههههه

بيض الله وجيهكم عالمرور العطر ولاهنتوا

__________________