محاوره لبوش مع ...

ارجو ان تنال على ارضاء جميع القراء وهي محاوره منقوله قديمه بعض الشي


والحقيقه لاعرف من قائلها بالظبط لكن اعجبتني ولذلك ارجو ان تعجب الكل




بـــوش :
سلام رديه على حاكم الصين ***بالخير ياراعي النظام الشيوعي
ياجيانق بن زيمن نبى معك قافين ****والبرق عانه في المخايل يزوعي


جيانق :
يامرحبا ياقايد الغرب واهلين ****ترحيبتن ترضي غفير الجموعي.
البرق عانه يبرق يسار ويمين *****يوم الرعد حدر السحايب يروعي

بوش:
ماجيتنا ليلة لفونا المهنين *****يومن واشنطن تشب الشموعي.
ليلة حكمت الكون في عام الالفين ****جوني هل الطالات غصبن وطوعي

جيانق:
ارسلت لك يابن النشامى خطابين ****جت لك مناديبي تبارك فزوعي.
وانا حكمت الشرق من عام سبعين ****ما اعلنت للحكام قبلك خضوعي

بوش:
انته تحسب الكون باقي بقطبين ****الراسماليه وطت كل شوعي
يانايم اصحى مرت اعوام وسنين ****ماعاد فيها يابن زيمن رجوعي

جيانق:
يابوش حنا بالسياسه ملمين ****ومن دون هيبتنا بنينا الدروعي
ليتك تحل المشكله في فلسطين ****عز الله ان ابوك ماهو طقوعي

بوش:
ياجيانق انا طوفت وحده وثنتين ****والثالثه بتكون بين الضلوعي
الطايره وش علمها فالها شين ***اللي لها بحماك حول السبوعي

جيانق:
الطايره ماردها غير بكين ****جانا يقالبها خبيث الطبوعي.
وين احترام الانظمه والقوانين ****مثلك عن سلوم الدول مايتوعي

بوش:
ماهي بيمك رايحه للفلبين ****فوق المحيط الها نزول وطلوعي
مير اعترضتوا دربها يالشياطين ****عز الله اني من سواتك جزوعي

جيانق:
يابوش يابن بوش تلعب على مين ****ماهوب انا اللي بالكلام مخدوعي
يابوش وطتها في الارض الشياهين ****كانت تجسس وهزعتها هزوعي

بوش:
هات الادله كان عندك براهين **** يومك تقول ارخت علاك السموعي
مخطين ياهل الصين منتم بمقدين *****وشيهانكم عود غرابن خروعي

جيانق:
ركابها يابوش خمسه وعشرين ****عسكر من الجيش النظامي نزوعي
حاصرتهم يابوش بالجيم والسين **** حتى خذيت العلم منهم قطوعي

بوش
عينت طيارك غدا راسه طحين **** وامه على قبره تهل الدموعي
الطايره ترجع لنا بعد يومين ****اخذ الكلام ولاتطول تعوعي

جيانق:
خل العلوم قصار واسمع لنا زين **** عسكرك جولك يالسنافي رجوعي
والطايره لاعاد تنشد لها وين **** راحت ديه في واحدن من ربوعي