حسب ما سمعت ان (قحطاني) تزوج امه عقب ذبحة رجلها

ورباه على انه من عياله

لين ظهر له الخبر بسبب هوشة بينه وبين عيال صغار وعيروه بالقطه

ونشد وعرف الخبر واستأذن أنه يروح لربعه

(القحطاني) عزل له ذود واعطاه اياه وقال بالسلامه يا ولدي

قام الولد باع ابله لعتيبي راعي حصان مشهور هاك الوقت

وجاء لربعه وأخذ يحدي

شريت لي غوج من العتبان --- وأظن في نفسي مظن الجود

ابا اطارد خيل ابن سفران --- وادور ابوي عند ابن عبود

فاظاهر ان اللي ذابحين ابوه ال عبود

وأتمنى أن الأخوان يزودونا يالمعلومات الكامله

القحطاني اللي خذا امه اذا ماخانتني الذاكره ابن عبود وقد يكون ابن شفلوت

وسمعت أن قحطان كانوا يتحاشون ذبحة السبيعي عشان أخوانه من أمه

فقام أحدهم بذبحه

تحياتي وأتمنى بأن أكون قد افدت