أنا وقت إعدام صدام كنت في الجنوب

وبعد الإعدام بـ 3 أو 4 أيام كنت قاعد أتفرج عالتلفزون وقريت في إحدى

القنوات في شريط الإس إم إس إلي في أسفل الشاشة إن صدام صورته في

القمر وأطير للحوش أدوّر في القمر أدوّر ولا حصلت شيء وشوي وأنا أدوّر

دخل جدي وشافني أحندر بعيوني في القمر قال شتسوي قلت كذا وكذا

قال بالنص (( ومنهو صدام لجل يحط الله صورته في القمر صدام من أفجر خلق

الله وسوى كذا وسوى كذا وحلبجة والكويت والخفجي )) ومن ذا الكلام اللي ما

أفهم فيه شيء ثم قال : (( حنّا مقهورين من إعدام صدام لأنه جاء في يوم العيد

وهو إنعدم بإرادة أهله وشعبه وشفهم ذلحين ماغير يرقصون ويغنوون مبسوطين

ولو إنك ذقت ما ذاقه كل عراقي كان ما تعاطفت معه _ مع إني ما تعاطفت ولاشي _

)) بعدين شل شماغ بسرعة خاطفة وقال (( شفت الشيب اللي في راسي ترا ما طلعه إلا

صدام ؟؟)) قلت أنا وش دخل صدام ؟؟ << تساؤل بريء ... قال (( ياخي متى بتشغل

مخك معي يوم واحد بس. الشيب هذا ما جاني إلا بعد حرب الخليج بعد ما كنّا نقطع ذا

الصحاري في الشموس والصواريخ يمينك ويسارك وأنا ما تقاعدت إلا بعد حرب الخليج

بسبة الهوايل اللي شفتها ))

ودخل والضغط عنده إتششش

..................................................

علعموم الله يرحم صدام ويسكنه فسيح جناته ولاتنسون

إن الشهادتين ووضع الله أكبر على العلم بتشفع له يوم

القيامة



سعيد بن مذي

__________________
No thing