قصيدة الشيخ عبدالله بن هدلان

[poem=font="Simplified Arabic,5,firebrick,normal,normal" bkcolor="white" bkimage="" border="double,4,gray" type=0 line=0 align=center use=ex num="0,black"]
ياهل الركاب اللي اعصير مسيان= وقت الغروب وطاف عشرين ليله

مثل الحنايا مهضعات للرســـــــــــــان= قدهي من الغربه سخاف وهزيله

عندي نصيحه جنبوا فلان وفلان= انصوا الامير ولا تجون البخيله

شيخ على شيخ ومن روس شيخان= امن الجهل واليوم شيخ القبيله

حر تسلسل من سلاسل كحيلان= ابن الامير اللي يزبن دخيله

تلقى تراحيب من القلب صفطان= ترحيبة مهي بغش وحيله

تلقى الشحم عنده على عقر الضان=حيل تجفا بالصحون الثقيله

وبن وهيل وزعفران له ألوان =بشقر تباغش فوق نار المليله

ويالله يالمطلوب يا عالي الشان=يا محصي خلقه بيومه وليله

إنك تجيره من صواديف الازمان = وتعمي عدوه والوجيه الرذيله

اللي لهم في ما كر النقص نقصان =سود الوجيه مولعين الفتيله

وصلاة ربي عد ما هل والدان= عد الرمال وعد ريح تشيله

على نبي بين الحق تبيان= برسالة من ربنا له فضيله
[/poem]

قصيدة الشيخ / عبدالله بن سفران

[poem=font="Simplified Arabic,5,darkblue,normal,normal" bkcolor="white" bkimage="" border="double,4,gray" type=0 line=0 align=center use=ex num="0,black"]
البارحه مع هجعة الخلق سهران= والعين ما جاها الكرى لو قليله
يا هل الجيوب اللي مشيتوا مسيان = تبغون ديرة كاسبين النفيله
رحتوا وخليتوا على البعد ولهان= شبل يزوم هموم ربع تجيله
لاهتم في ربح ولو قيل خسران= وما تطلبه ربعه لزوم يشيله
اللابة اللي عندنا شانهم شان= كسابة الطولات في كل عيله
لا من وصلتوا دار ذربين الا يمان= تكفون عموا بالسلام القبيله
ردوا سلام اللي على البعد شفقان = متنزح يبغى العلوم الجميله
صغيرهم حر على كف ديقان= يرجي اليا من جا الهدد يرتكي له
يكسر على جول الحباري ليا بان =وسوعلى اللي تلتوي بالخميله
وشيبانهم تشفيك في كل الاحيان= وترفع عن درب الخنا والفشيله
منصاكم النادر مواريث هدلان= الطيب اللي كل ربعه تجي له
مشكاي عبد الله على راس ما بان= قرم دروب الطيب عنده فضيله
فرسانا لامن غشى الجو دخان = يوم به الطيب يجنب عميله
عند المجيذم من ورا خشم دلقان= جده سميه والقدايم طويله
هاشوا وشاشوا دون زيزوم الاضعان= وشالح مضريهم بكسب النفيله
عيوا سحا والله مع كل ديقان= ولا هزهم شيل الحمول الثقيله
وحنا درعهم لمن هفى النذل كابا ن=نثني وراهم والحمل نرتكي له
عشنا وخذنا ها مواريث جدان= والطيب اللي لابته تلتجي له
وربعي مقاديم العرب يوم الاكوان= ولا على كل القبايل فضيله
الشاهد بن حميد والشيخ وطبان =وهذال اخو هملا وراعي العبيله
وا لزوم وبن عقيل تيك لزما ن = قوم لها وسط القبايل نفيله
والقوم نا هس شانا عندهم شان= يوم كل شح ما في صميله
وغفر وعالي لحقوهم وديكان= ولاحصي فعايلهم بيوم وليله
هذا وصلى الله على نسل عدنان = رسولنا اللي جاب حلو الوسيله
جاب الكتاب وبين الحق تبيان= ومن جنب السيره جهنم حصيله[/poem]

ارحب تراحيب المطر ياهاوي نجد وبيض الله وجهك

على ايراد هذه المساجله بين الشيخين

الشيخ / عبدالله بن ذيب بن عبدالله بن شالح بن هدلان

والشيخ / عبدالله بن سلطان بن مشلح بن سفران


بيض الله وجهك وسلمت يمينك


تقبل تحيات اخوك

__________________
abn_hdlan@hotmail.com