ياذيب

ياذيـــب


[poem=font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
خلاص يكفي يا زمنّا طلبناك = طالبك لا تلعب بالاخلاق طالبك

لك موهبة تشكيلها من عرفاك = لنته تخلّيها ولاهي تتعبك

رميت ناسٍ في غرايب قضاياك= حتى تجرّب فيهم آخر مواهبك

وهدّيتهم تنشاف فيهم سواياك = وضاعت بصيرتهم نتيجة تجاربك

ودجّو بدون اخلاق منّا ومنّاك = مثل الوبا من مشرقك لين مغربك

وضاعو بسبتهم قليلين الادراك = وبنضيع معهم كان هذا يناسبك

ماعاد ندري من بلاهم وبلواك = نعاتب اللي ضاع والا نعاتبك

قعدت اعدّد لك سوايا ضحاياك = يمكن تصحّي بك ضميرٍ يأنبك

حتى تفشّت بالعرب حالة ارباك = واغدى ثلاث ارباعهم من زلايبك

وهجرت دارٍ صار اهلها رعاياك = واصبح يدوج بها الردي في مواكبك

قفّيت خوف نشوف اهل سلمنا ذاك = اليا رمو به وانت تملي مطالبك

ورحت القفور الخاليه وابني هناك = بيتٍ غدى ظلّ وذرى من هبايبك

الليل اسامر به نجومه والافلاك = والصبح احرّض خلق ربّي تحاربك

وباحد الليالي شفت للذيب مسلاك = بالرجم الادنى جرّ له صوت يرهبك

يقنب تقول موسّدٍ كبده اشواك = لين استقمت اقول له ويش مقنبك

وشجاك قدامي تمركزت وشجاك = قربك من ابن آدم مهو من مثالبك

انا بجال الرجم والرجم علاّك = مدى رصاصة بندقي . وشـ مقرّبك

ياذيب قلّي وشسبب جرّة عواك = اللي تخلّي من سمعها يجوّبك

جاوب تراني لك شفوق آتحرّاك = حتى تخاطبني بصوتك واخاطبك

وفاجاني بردّه ، يقول ابد شكواك = في راس رجمٍ مابه اللي يراقبك

عبّر عن همومك وبيّح خفاياك = وارخ الحمول اللي تعنّي مناكبك

وقرّبت بالجالك وباصير ملجاك = حتى تجاذبني السوالف واجاذبك

وآخذ علومك واسهر الليل ويّاك = واسري بدربي ساعت المح تثاوبك

قلت ارحب ارحب وابرك الوقت ملفاك = لو انّي اجهل كيف اقهوي واطيّبك

لكن تفضل ذا فراشك ومركاك = وعشاك ياضيفي طليٍ من الشبك

مقابلك ولا مقابل هذولاك = العالم اللي عرفها لك يعيّبك

الرمّه اللي لاتنطّحت مرقاك = تاتيك عن ذبّ الطويله تهيّبك

الجاهل ان غرّك بالاشوار واغواك = والكاذب ان ضلّك بدل لا يصوّبك

وذليلٍ يردّك عن مواجه عداك = وبخيلٍ يحدّك على ترك واجبك

ومنافقٍ خلاّك تفخر بعوجاك = ومناشبٍ وزّك تشارع قرايبك

وحاسد شناك ان زادك الرب واعطاك = وفاسد دعاك لخوّة الجرب واجربك

واشكال واجد غير ذولا وذولاك = ياكثرها يا ذيب خايف تشيّبك

ناسٍ تخاويك لمصالح بممشاك = واذا انقضت في نص دربك تسيّبك

وناسٍ لعيبك تستره دام ترجاكك = واليا تغانت عنك تقعد تعيّبك

وناسٍ يسرّك هرجها يوم تلقاك = وينوش عرضك بالردى في تغيّبك

وناسٍ تطوّقها الجمايل بيمناك = وبكره تدزّك بالشمال وتكذّبك

وناسٍ لك امس تأرنبت تبغي حماك = واليوم تستسبع عليك وتأرنبك

وناسٍ وناسٍ غير هذا وهاذاك = مابي تفاصيل العرب خوف اشعّبك

لكن انا باطلبك ثم آترجاك = اطلبك وادري بالمطالب باتعّبك

ان جيت حول ديارهم تنقل خطاك = صوّت على كبار الرجال وتجاوبك

ثم قل للشايب عيالك تقفّاك = بعلوم غير اللي غرس فيك شايبك

ضيّعت ورعانك على غير مرباك = مشغول بالدنيا تدوّر مطالبك

هذي أمانه والأمانات بحماك = لازم تخليها على اوّل مراتبك

ربّ الولد حسب الذي قال مولاك = وحسب السلوم اللي فرضها مناسبك

قبل الندم لا طال عمرك وحبّاك = وخلاّك في حاجة عيالك وشيّبك

تزهم ولدك تقول وين انت يا ذاك = وذاك الولد ما ينزهم في مكاربك

عقّك بشين التربيه ما بيرعاك = ويمكن على الشارع برجلك يسحّبك

ثم انهزم يا ذيب وانهج بدنياك = نصيحةٍ قدّمت وادّيت واجبك

وقل للذي ما شرّبه راي شرواك = بكره الزمن من مرّ كاسه يشرّبك


خوي المطاليق[/poem]

صح لسانك يالقرم وكفيت العجم

ولاهو غريب عليك الابداع ((قصيده قويه وقافيه اقوى ووافية المعنى))

لاهنت ياظافر وعساك سالم وغانم


وتقبل تحياتي
اخـــوك ابـــــــــــــــــن هـــــــــــــجــــــــلــــــــه

__________________


[poem font="Simplified Arabic,4,darkblue,bold,normal" bkcolor="sienna" bkimage="http://alsaggar.jeeran.com/gh.jpg" border="solid,4,darkblue" type=2 line=0 align=center use=sp num="0,black"]
يالله يالي تولج الليل بالصبح=تغفر لابن هجله خطاه وذنوبه
ولغير وجهك يالولي ماأثني الشبح=عساك ترزقني بدياي توبه');"> [/poem]

صح لساااانك يابوعبدالله



قوي بمعنى الكلمة



ولك سلامي

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

صح اللللللللللللللللللللللله لسانك يا ذيب

وانك وافي والقصيده وافيه

(عانك الله على لخرى )






اخييييييييك ( الغالي )

لبى قلبك يابوعبداالله



صح لساااااااااااانك ملاييييييييييييييييييييييييين


وتقبل تحياتي واعجااااااااااابي القووووووي


اخوك الصغير سعيد بن مانع

__________________

لسماع قصائد الشاعر : سعيد بن مانع
اضغط هنا

اخوي الغالي


خاوتك كل العوافعي

ياخوي المطاليق


صح لسانك

وعلا شانك

وسلم بنانك

ابداع في ابداع

لاهنت

__________________
« اللهم كما أحسنت خَلقي فحسن خُلقي »

الغالي خوي المطاليق


صح لسانك واعتلا شانك وبيض الله وجهك


قصيده جزله من شاعر جزل ومتمكن


لايستغرب الابداع من اهلـه



ابو عبدالله
لاخــــــــــلا ولاعـــــــدم



تقبل تحياتي وتـقديري

__________________
[poem font="Simplified Arabic,5,black,bold,normal" bkcolor="transparent" bkimage="backgrounds/14.gif" border="none,medium,gray" type=2 line=0 align=center use=ex num="0,black"]
ماهو بعيب على الرجـال لأ وقـف = مع ابن عمه أو اصحابه وصدقانه

لا والله العيـب لأ مـن قـام يتلقـف = وخـذا يـردد هـروجٍ مـا لهـا خانـه[/poem]

000000 مهدي الحبابي 000000

ابوعبدالله والله ماعجبني مثل هذه القصيدة الا قصيدتك :

يالله وانا طالبك تغفر لي ذنبوبي يا غفور 00000000 أرجيك والجا لك وأنا أعيد المسأله

عموما انتم ونعم يا آ ل لعور ولا هو غريب منكم القصيد الكفو والكلام الجزل ولا هنت 0

__________________
انا حنيشي وبعشيتي ماتنعمت
ورمز العرب سيف والكيف دله
محبوبتي الجزعه في حبها همت
أعشق سهلها والرجوم المطله
يكفينــي من ربعــي اني تعلمت
إن الركوع لغيــر ربـي مذلـــه

صح الله بدنك وشهادتك افتخر فيها والله لايهينك
.
.
.
اخو غالي يابن هجله

مرحباً الف يابوسعود .
.
.
واشكــــــرك على تعليقك.