حنا بدو للشاعر ضيدان بن منصور بن قضعان

بسم الله الرحمن الرحيم

يلي على وجهي قريتـي كـل صفحـات الشقـى
اقري وأنا باكتب قصيدة واشعـل الساحـة حريـق
باقي كثر ما راح واللي راح نصـف اللـي بقـى
وان ما وصلت لغايتي با موت في نصف iiالطريـق
يابنت يوم امطر غـلاك بقلـب ضيـدان iiوسقـى
تدرين وش سبة شقـاه وسبـة الجـرح العميـق ii؟
شقاه من يمنـاه واسـم الشيـخ والنفـس iiامحقـى
والجرح منك يا أعذب العذبـات يالمـوت iiالرقيـق
يا بنت ما دام البـدو تخلـف هقـاوي مـن iiهقـى
وانا بدوي مني يشيل مـن الزمـن مـا لا iiيطيـق
ابفتخـر حنـا بـدو نعشـق علـى وضـح iiالنقـا
حنـا بـدو فينـا الولـد للقمـة العليـا iiعشـيـق
حنا بدو فينا الولـد لـو شـاف موتـه مـا iiأتقـى
حنا بـدو فينـا الولـد يرقـا ولـو مالـه iiرفيـق
حنـا بـدو فينـا الولـد لا مـن رقـا رقـا رقـا
الين يوصل غايتـه لـو كـان فـي قمـة iiطويـق
يابنـت جيتـك والثمـن عمـري ابـي ليلـةٍ iiلقـا
يما كـذا والا بـلاش مـن الصداقـة iiوالصديـق
وساعة تبسمتي وشفـت الجمـر والثلـج اصدقـا
قلت أشهد أن الموت حق وصحت لك صيحة غريق
واعتقت دمعي والزعل والحـزن لرضـاك iiأعتقـا
وأغفت عيوني في عيونك يـا عساهـا مـا iiتفيـق
وامنت باللـي سخـرك تقريـن صفحـات iiالشقـا
واشعلت بردي في دفاك وشبـت الساحـة iiحريـق