****ارحبوا****

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بسم الله الرحمن الرحيم

اخواني مشرفي واعضاء وقراء منتدة شبكة قحطان العريبة السلام عليكم ورحمة الله وبركاته
.... فالبداية لايسعني الا ان اشكر كل من قام على هذا المنتدى وهذه الفكرة
وهذفنا جميعاً الارتقاء به انشاء الله الى اعلى المستويات.
وهاهو بفضلٍ من الله تعالى كل يوم الى الافضل وكله بجهودكم المباركة.....

ويسعدني ان اتقدم اليكم بأولى مشاركاتي في هذا الصرح العظيم.....
وهي قصيدة قلتها في مناسبة اقمناها للشيخ فهد بن دليم
والشيخ ابا الروس والشيخ حناش والشيخ ابو ساري.

عسى ان تكون عند حسن الظن..

استوى ليل السعد واكتمل والجو زان= ولو سمحتولي دقايق عطوني المكرفون
ودي آقول الحقايق وانا في ذا المكان= في قفاكم قلت وآقول وانتو تسمعون
قدموني درع جنبي وانا طلق اللسان=وكبروني بالكلام وعساهم يسلمون
زينة الحياة في شوف ذربين اليمان=معرفة الاجواد تغنيك عن مال وبنون
مرحبا يا ذرب الايمان ياشيخ قحطان=وبسمك نرحّب ببا الروس بعداد المزون
ومرحبا باللي حضر حفلنا قاصي ودان =ارحبو ثم ارحبوا بالحرام ان ترحبون
دهن عود وعودٍ ازرق ودلة زعفران=والله انا نفعل الواجب وتستاهلون
يا بوخالد لك معزة ولك قدرٍ وشان =يشهد الله والخلايق عليها يشهدون
فالسنة عيدين عيد الضحية ورمضان=وعيدها الثالث لنا يوم شافتك العيون
يا صليب الراس يامروي حد السنان=لحتكم ضرف المصايب وكشّر بالسنون
فزعة اللي من زمانه غدت عشره ثمان=انقذه كنه على الوقت والدنيا يمون
ما كذب من قال ما للسمان الا السمان=وايش ابي بالراس لو مادرت عنه المتون
ما يوقف في صفوفك وفي وجه الزمان= كون من ساسه عريب وخواله يذكرون
مثل بو خالد لما ان الزمان الشين شان=لو لزومك كبر ابانات ما يقسا يلون
وجه جنبٍ فالصعيبات مضمونٍ ضمان=يا خذ العليا ويعطي وللواجب يصون
وبالشجاعة يطمر الكايدة طمر الحصان=وبالكرم حيلٍ عليها الضيوف يقلطون
راقي في قمة الطيب ما يرضى الطمان=لايهاز ولايراز ولايذل ولايهون
يعلم الله لو لزومك ورى ساحل عمان=والله ان ما دونه ان كان يقدر فيه دون
ولو لزومك حاضر قضاه في بضعة ثوان=لو مبلاّ تتصل فيه بالتليفون
كم قضية شربكة بالنشايب والطعان=حلها من وقتها لين يوم يبعثون
انشدوني عنه لا تنشد فلان وفلان=عاشق علم المراجل وحبه له جنون
ولو بغني من هذا الوقت ليحل الاذان= ما وفيت بمدحه ولو يكون اللي يكون
وان حصل مني قصور فتروا التعبير خان=العذر عند الاجاويد وانتوا تقبلون
قدموني درع جنبي وانا طلق اللسان=وكبروني با لكلام وعساهم يسلمون

الشاعر / سعد بن عبدالله بن شفلوت[/poem]

[grade="00BFFF 4169E1 0000FF"]أخوي سعد 000 قصيدة طيبة من شاعر طيب وفي رجال طيبين جدا ويستاهلون أكثر.

مشكور وبداية إنشاء الله موفقة وننتظر منك المزيد والجديد يا أبو عبدالله .

تقبل تحيات 000 أخوك :[/grade]

__________________

الصقري

أررررررررررررررررررررررررررررحب
أررررررررررررررررررررررررررحب
أررررررررررررررررررررررررحب
أرررررررررررررررررررررحب
أرررررررررررررررررررحب

ياسعد بن شفلوت

وصح لسانك على هذي القصيده

وبيض الله وجهك



اخوك
فارس قحطان

__________________

أولاً ارحب يا سعد ارحب ثم ارحب ثم ارحب
قصيدة في محلها ولا هي غريبة على راعيها
ويشرفنا انضمامك الينا

ونحن في انتظار المزيد


ارحب ثانيه يالذيب




أخوك عوض بن شفلوت المناديه

اخوي النهاري

مشكور على على هذه الاشادة

الله لايحرمنا منك


وابشر بالخير

سعد بن شفلوت

البقا ثم البقا

يافارس قحطان


وصح بدنك

وجهك الابيض

الله لايحرمني منك

وحي والله ذاك الحجاج....

اخوك سعد بن شفلوت

البقا ملــــيـــ1000000ــــــــــــــون

يالشاعر الكبير /عوض بن شفلوت


والشرف لي انا الله يرفع قدرك عند مولاك.

وابشر بالسعد ياوجه السعد.......

اخوك سعد بن شفلوت

صح لسانك وهذه قصيده طيبه
وتعيش رجال وتخلف رجال

يا سعد بن شفلوت

ارررررررحب يابو عبدالله






وبيض الله وجهك على القصيده ..............





أخوك/ أحمد بن حناش

صح بدنك ياسهير الخاطر


ولا هنت يالذيب

اخوك سعد بن شفلوت