أختار سمحات الدروب النظيفه *** إللي غسلها رايح المزن برشاش

[poem=font="Simplified Arabic,5,blue,bold,normal" bkcolor="white" bkimage="backgrounds/17.gif" border="double,4,orange" type=0 line=0 align=center use=ex num="0,black"]
من صفات الرجولة : الشاعر مطلق بن حميد الثبيتي =





=اختـار سمحـات الـدروب النظيفـة
=اللي غسلها رايـح المـزن برشـاش

=يمشونهـا قـوم النفـوس الشريفـة
=اللي ضمايرهـم نقيـة كمـا الشـاش

=ابيوتهـم مثـل الحصـون المنيـفـة
=ما هي لطير البوم غيـران واعشـاش

=واحلالهـم للضيـف دايـم مريـفـه
=لو رجلهم يسرح ويضوي على مـاش

=والرجـل منهـم مـا يخلـي رديفـه
=إن ما ت مثله مات وان عاش له عاش

=وان مات منهم رجـل عقـب خليفـه
=يطهن نحور القـوم ويـرد الادبـاش

=يعرف هدف روحـه ويعـرف وليفـه
=ما يعرف الخونـة ولا هـو بغشـاش

=وليـا رزقـه الله بعـذراء عفيـفـة
=ايحطها مـا بيـن نونـه والارمـاش

=ماهو علـى الخفـرات يستـل سيفـه
=وان طالعوا فيـه الرياجيـل ينحـاش

=حلـو النبـا سمـح المحيـا لضيفـه
=ويصير لـه خـادم مسخـر وفـراش

=وان مـد مـا مـدت يمينـه قصيفـة
=مدت يمينـه تبهـر الخبـل والـلاش

=واليا هـرج تلقـى علومـه طريفـة
=ما هـو لهفـوات الناعيـر منقـاش

=وان شبت النيـران مـا هـو بليفـة
=في ساعة الكربـة سـواي ورشـاش

=سده بعيـد ولا أحـد يعـرف غريفـه
=ولا هو لعرض المكرم العرض نهـاش

=والشوك في جنبـه سـوات القطيفـة
=إن كان ما له بيت مامـون وافـراش

=ما يرتكـي فـوق الخبـول الضعيفـة
=اللـي ليـا حركتهـا قدرهـا طـاش

=وان جـا نهـار كـل قـرم يعيـفـه
=ما هو ليا ثارت على القـوم رمـاش

=الكذب يعـرف بيـن الأجـواد زيفـه
=والصدق مثل السيف صاطي وحشاش

=وصحيفتة يـا طيبهـا مـن صحيفـة
=ولهـا مـن العقـال كاتـب ونقـاش

=حـاز المراجـل والمراجـل كليـفـة
=الا على اللي كـل مـا رامهـا هـاش

=وان شاف له من جانب القـوم خيفـة
=تلقـاه للخيفـة مهاجـم وبـطـاش

=الصـدق والمعـرف والطيـب كيفـه
=ويغبش لها مع طلعة الفجـر مغبـاش

=للحمل مـا تلقـى جنوبـه صخيفـة
=حوله بروق تعمـي العيـن وافـلاش

=يصبر على جرحـه ويمسـح نزيفـه
=طبه بشبه خير مـن طـب الاحبـاش

=ولا هو كمـا سبـع سنونـه ضعيفـة
=دايـم يلحسهـا وللعظـام عــراش

=وان شاف له في غيبة النـاس شيفـة
=ما هو بخبل لاخضـر العـود قـراش

=دنيـاه لـن صـارت ذلـول عسيفـة
=طـوع علهـا كـل عاصـي ونفـاش

=وان كان قفـت مـا عليهـا حسيفـة
=ولا هو ورا هوج المعاصيـر قشـاش

=وان جاع ما وقع كمـا طيـر جيفـة
=وان عري ما يلبس سماليل وأخيـاش





وتقبلوا خالص تحياتي=[/poem]

__________________

راعي السمراء


اختيار رائع وموفق


لاهنت

__________________

slrsa@hotmail.com

الله لايهينك

ياراعي السمراء

اخوووووووووووووي الغالي


راعي السمراء



صح لسان الشاعر

وسلمت يمناك على النقل

نقل رائع وهادف

__________________
« اللهم كما أحسنت خَلقي فحسن خُلقي »

يسلم الجميع إنشاء الله ومشكورين على المرور



ويسلم الغالي فتى الجوه على نشاطه المستمر

ولكم إحترامي وتقديري

__________________

لا هنت يا راعي السمراء



ورحم الله الشاعر الكبير / مطلق الثبيتي



بيوت في قمة الامتاع



والمعاني الجزله



عدت قراءتها مرتين

والقايل ما يهون

وتسلم أخوي الوبري على المرور


والشكر لك ولكل من مرو على هذا الموضوع


وتقبلو تحياتي

__________________

مشكور أخوي عوض بن شفلوت على مرورك

وهذا شكر خاص لك

ولا هنت يا بن لجواد

وطول عمرك


أخوك


راعي السمراء

__________________

ياراعي السمــراء


لااااااهنت على النقل ومشكوور

والشاعر مطلف الثبيتي شاااااااااااعر من العيار الثقيل
عليه رحمة الله



تقبل تحياتي,,,,,,,,

__________________

مشكور أخوي

القيسي ولد الحارث على المرور

وطول الله عمرك

__________________