البر والربيع

البـــ والربيع ــــر

--------------------------------------------------------------------------------

ايه الاخوه القراء
اليكم هذه المتواضعة اتمنا ان تحوز على استحسانكم
اما بالنسبة الى (الشطر الثاني) من البيت الأول فهذا لا يعم الذين يستخدمون الأنترنت بل يخص من يستخدمونه
في الطرق الغير شرعية (وهي عن موقف خاص)
هذا ما احببت يكون القاري على درايه تامه بما كنت اقصد ... واليكم القصيده





أبرك مـن الـدش وقنـوت الأفسـاد
وصدقان الانترنـت دشيـر القهـاوي
ومتابعة غزو اليهـود أهـل الالحـاد
سجة نفس في طعـس بـر خـلاوي
تالي عصيـر يهـب نسناسـه بـراد
والشمس يحجبها السحـاب السمـاوي
واخيل في جـو السمـا كـل رعـاد
واشـوف سيلـه شـق وادي نحـاوي
تغسل ثيابي بالمطر لـو هـي جـداد
بلـة ثيابـي بلمطـر كـم تـسـاوي؟
وفي الليل اشب الضو كرامات الاجواد
نصف الكرامه في الزمـان السنـاوي
معمالـنـا دّلــه ونـجـر وبــراد
وقربة قراح مـا اختلـط بالكيمـاوي
وجمر الغضـا بيـن المعاميـل وقـاد
والعود الازرق ماهـو بعـود جـاوي
كيـف النشامـا بـن وهيـل وقـنـاد
ومطعومنا التمر الخـلاص الحسـاوي
ونرقد على الروض الخضر كنه سجاد
روض مابيـن الدبدبـة والـصـداوي
وفي الصبح ذكر الله هذا شـي معتـاد
سبحان مـن بالعبـد يرحـم ويـاوي
والشمس في عرض السما صبح تنقـاد
شعاعهـا عقـب المخيلـة يــداوي
وبيت الشعر يبني على طنـب وعمـاد
يبنيـه شبـل بالمـراجـل حــراوي
والارض بالخيـرات تطغـا وتـزداد
وصيدك يجيك بـه السلـق والنـداوي
والا انقـل البلجيـك والحـظ بزنـاد
بعـض الحظـوظ توصلـك للمنـاوي
وترعى عطايا الله بلا خـرج وشـداد
حليبهـا يـروي الكبـود الضمـاوي
لو تجلس اسبوع من الشرب والـزاد
يكفيـك در اللـي غـدت بالعطـاوي
في خوة اللـي تجلـي الهـم لا عـاد
عيـال المصايـب مخلفيـن الهقـاوي
مـا بينهـم فاسـد وناقـص ومـراد
اللـي يـدور لـلـدروب الـمـلاوي
حديثهم مـا بيـن صفحـات الامجـاد
ومراجعـة كتـب السيـر والفتـاوي
ونهرب من الواقع جماعـات وافـراد
من قتنـة أهـل العولمـة والبـلاوي
وتغيب عـن وجـه بغيـض وكـداد
ونقابـل الوجـه الطليـق النـقـاوي
انا افـرح برفقـة عريبيـن الاجـواد
مثـل المنيـع ورفقـتـه للـخـلاوي
حلحيـل لا يحـدا ولاهــو بينـقـاد
ما هـو باسيـر مولعـات الهـواوي
خوة كفو.سجـة نفس.طعـس وبـراد
والا تبـي انترنـت ودش القـهـاوي

الشاعر : سعيد علي الفهري

منقوووووووووول

والشاعر سعيد الفهري شاعر نظم ومحاوره

اخوووووكم ابن عاااصم

__________________
ماهقيت إن للجمايل على الدنيا جحود
لين معروفي بذرته بنـاس وجحـدوه

أشهدٍ من يفعل الجود في من لا يجدود
مثل من حجج على غاربه ذباح بـوه


الشاعرالكبير _ حمد بن هادي المسردي

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
حديثهم مـا بيـن صفحـات الامجـاد=ومراجعـة كتـب السيـر والفتـاوي

ونهرب من الواقع جماعـات وافـراد=من قتنـة أهـل العولمـة والبـلاوي [/poem]

صح السان الشاعر
الفهري
وسلمت والله ياابن عاصم على النقل الطيب ..

ومافيه شك ان البر وخوة النشاما والوجيه الطيبه واهل الخير وشبة الضو انها ابرك من خوة اصحاب الدشوش والقهاوي اللي مافيها خير ..
يعطيك العافيه ياابن عاصم ..

اخوك
خالد

__________________
[frame="4 60"]لااله الاانت سبحانك اني كنت من الظالمين [/frame]

صح بد نك ياخووووووي خالد

وصح لسان سعيد الفهري القادم بقوه واتمنى له التوووفيق

اخووووك ابن عااااصم

__________________
ماهقيت إن للجمايل على الدنيا جحود
لين معروفي بذرته بنـاس وجحـدوه

أشهدٍ من يفعل الجود في من لا يجدود
مثل من حجج على غاربه ذباح بـوه


الشاعرالكبير _ حمد بن هادي المسردي