أستنت الحشوان حتى جريبه

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياهاجسي ليل السهر وش طوله= تعب الجفن من طوله وتعذيبه
ياهاجسي عطني رموز حلوله=الرمز غامض والحلول إصعيبه
الوقت بيّن صملته وفعوله= والحال حقل فعوله وتجريبه
الوقت سلّ سيوفه المصقوله=لاتردعه صده ولا تجنيبه
الوقت حملني ثقيل حموله=والراس بيّن فيه ذارح شيبه
وهموم وقتي في الحشا محموله=من حبها له ما نوت تصخي به
لكن عزاي إن الرجل مجبوله=على دروب المرجله والهيبه
أعزها من خطوة مجهوله= تفتح لفم اللاش مايحكي به
اللي مع أهل الطيب ماله جوله= اسمه مع طاري الردى بيبطي به
إيده عن افعول الكرم مكبوله= ليت اليمين القاصره عطيبه
الطيب شئٍ مستحيل ينوله= ياجعل مثله ينقطع به صيبه
الطيب ماهو بطيب ربع التوله=عقّب صبيٍ يعتقد ذا طيبه
الطيب طيبٍ تفعله وتقوله=وفعله يجمل واحدٍ يمشي به
واليوم حتى اللاش جاله صوله= وهو رياله مايفارق جيبه
وقت الرخا يا كثر شيفة زوله= ولا يطرّى لا دهتك مصيبه
هذاك مثله لاتقرّب حوله=ولا تقرّب من صحيب صحيبه
ولا يغرك فيه زين هموله= أجمل ثيابه ما تغطي عيبه
وأن كان قال إن غلطته مقبوله=حيث الشفاعه في كثر ترحيبه
قلّه فعوله كذبةٍ مفعوله = وأما الحكي ياكثره وياطيبه
قد قالها الأول وهي مقيوله=أستنت الحشوان حتى جريبه[/poem]

الطيب طيب تفعله وتقوله @@ وفعله يجمّل واحد يمشي به
واليوم حتى اللاش جاله صوله @@ وهو رياله ما يفارق جيبه

صح والللللللللللللللللللللللللله بدنك ولا تهون يابومريع

قصيدة جزله أتمنى ما تحرمنا من ابداعك

ولك كل التقدير والشكر

فارس الشواطي

__________________

__________________

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لكن عزاي إن الرجل مجبولـه=على دروب المرجلـه والهيبـه

أعزها مـن خطـوة مجهولـه=تفتح لفم اللاش مايحكـي بـه

اللي مع أهل الطيب ماله جولـه=اسمه مع طاري الردى بيبطي به

إيده عن افعول الكـرم مكبولـه=ليت اليمين القاصـره عطيبـه [/poem]

ابراهيم
لله درك يا ابوخليل ..هذا والله الكلام ...
وعزالله انك صادق .. قصيده جزله مثل راعيها الجزل ..والله لايخلينا من ربعنا الطيبين ويجعلك في الوجود دايم ياابومريع

اخوك
اللي معجب في قصايدك
خالد

__________________
[frame="4 60"]لااله الاانت سبحانك اني كنت من الظالمين [/frame]

جعل يمناك ما تعطب



صح السانك يا القرم



قصيده من ذهب





اخوك


محمد بن مسفر القويفل

ابومريع






صح الله لسانك






قصيده جزله من راس وافي






دمت ودام ابداعك






تقبل تحياتي

الأخ العزيز فارس الشواطي


ارحب تراحيب المطر


أنت وشرواك تاج فوق الراس



ومرورك غالي مثل غلاتك



تقبل تحياتي


أخوك...

__________________

صح بدنك يابو فواز


والشهاده منك تفتح للفخر بيباني && ومثلك نعده دليل ونستدل برايه


مرورك تاج فوق الراس


تقبل تحياتي

__________________

ياسلام يابو مريع

صح لسانك على هذيالقصيده الجزله

__________________

بو مريع

الله يرحم شيبانك اللي جابوك

صح لسانك ياراعي الجبيل

قصيدك هاي كواليتي

لاهنت لاهنت

__________________


[frame="1 80"]][][§¤°^°¤§][][استغفر الله][][§¤°^°¤§][][[/frame]