
قصيده في الامير مترك بن شفلوت رحمه الله
مرثيه في الامير مترك بن شفلوت امير شمل قبايل عبيده
ــــــــــــــــــــــــــــــــــــــــــــــــــ ـــــــــــــــــــــــــــــــــ
جانا الخـبر ليت الخـبر ما سمعناه *************** كدر علينا ليل جمعه فضيله
ولّع بوسط الجوف نار من اقصاه ************** النار ذكره والضــــلوع الفتيله
عــلم يكـــدر خــاطر اللي تلقــــاه *************** الشيخ مترك مات واعلن رحيله
لا والله الا راح واقفــت مطاياه *************** مقدم عبيده في الحمول الثقيله
شيخ يخلص من تعناله وجاه *************** بالسلم والا بالســـيوف الصقيله
كم من عليل صابه الهم وابلاه *************** باذن الولي فكه وســـهل سبيله
مرحوم يا شيــخ المواقيف والجاه *************** مرحوم يامترك زبون الجميله
مرحـوم يا بيرق عبــيده ومنصاه ************** مرحوم ياراعي اليمين الطويله
امر الله المحـــتوم لاحــل نرضاه ************** لاشك ليت الموت دور بديله
ليته تخـــــيّر كـــان كـــل بيفداه ************ ويبقي اخو رثــعا يقود القبيله
لاشك ما عن دبرة الله منجاه ************** مكتوب والمكتوب مافيه حيله
عسى العوض في ذيب وذعار وابناه ************* اهل الوفا والطيب في كل ليله
وختامه يــــــالله يـــــالله يـــــالله ************ ادعي وكل يستمع يدعّي لـــــه
تجعل جنان الخلد يارب مثواه ************* في جنه الفردوس تبرد غليــله