العلم والسيف

[poem=font="times new roman,6,black,normal,normal" bkcolor="transparent" bkimage="backgrounds/2.gif" border="solid,4,gray" type=2 line=0 align=center use=ex num="1,black""]
لله في خلقه شؤون وتصاريف=ما خِلْق شي.. الا لغايه عظيمه

حتى البلاوي.. والمحن.. والصواديف!!=ما فيه شيٍّ ما هو بذات قيمه

ما هو بلازم عبقريّة حواصيف=تحتاج عقليّه.. برؤيه سليمه

لكن لنا قدره ونحتاج تثقيف=وبكل دَقّه في الحياه اتعليمه

بعض القيَم تكليف.. ما هو بتشريف=لكن ملازمها بصبر وعزيمه

افرض!!.. يجيبون المشاكل ملاقيف!؟..=تطيح في روس الرجال الحكيمه

وبعض القيم تشريف.. ما هو بتكليف=ورثٍ قديمٍ عن جدودٍ كريمه

اكرام ضيف.. اشهار طيب ومعاريف=امن العوايد والسلوم القديمه

لا شك ما زلنا بحاجة عواريف=العلم.. منهل كل أمّه عظيمه

ولا شك نحتاج السيوف المداغيف=تقلط على القمّه بليّا عزيمه

نفخر بمجدٍ عانق العلم.. والسيف=والعلم دون السيف.. ما له حشيمه

تدرون ليه المجد غيّب ولا شيف!!..=المجد ما يدخل ديار الهزيمه!!

معليه لو ضعنا ببعض السواليف=لكن ضياع المجد والله جريمه..[/poem]

__________________
الحمد لله

صح الله لسانكك ي ذيبان

صح بدنك....

__________________
الحمد لله

اذا اجتمع الشعر العذب بالحكمة والمعرفة
هنا لابد ان تأتي المنظومة الشعرية كمنظومة الشاعر هتاش
لله درك من شاعر ولله درك من كلمات
صح لسانك واعتلى شانك
ولاتحرمنا من جديدك

صح بدنك يا كحيلان ولبى والله روحك

__________________
الحمد لله