يا أزرق !

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=3 line=1 align=center use=sp num="0,black"]
يا أزرق هداك الله لاترخِص مقاماً غلّته
بيض المواقف دون وجهٍ يحتمي طويلته

ماني عزيز القوم لاصارت دموعه ذلّته
أنا عزيزٍ ذل من ربه ومن جهيلته

ولاجيت أببكي والله إن اهل مالا هلّته
عينٍ مثل عيني ولا جفنٍ نشت مخيلته

لاشفت ماشفته 00ولا حالي تهمك علته
إن سِلم من حذفة زمانه 00ماسِلم نبيلته

أسألك بلي كل خلقه فوق عرشه جلته
لاعاد تنشدني عن الحاصل ولا حصيلته00

شفني مثل من ولعت به نار حتى كلّته
أزرا يعدّل فى الزمن 00وأزرا الزمن تعديلته

والعمر لغزٍ تبطي اعقول البشر ماحلته
ياالله بعزٍ بأوله وأعوذ من رذيلته

لاصار هيك 00و00هيك ذا طبعه وذي جبلّته
الموت من سلالته والتفرقه سليلته

ينعاك يامن غاب صوته عقب غابت طلته
وهوألذي مغتالني صده وأنا أشكي غيلته

أقرّبه وأعطيه سري ماحسبت أجهلّته
وشـب ناره كل ما صاحت علي ذبيلته

أفرش جفوني لاقعد وأليا تناصب ظلته
واخذ فتاوي الصبر وأعرضها على فضيلته

طوّل غيابه وأصبح وجوده يساوي قلته
مايكفي أني شاربٍ زوله 00 وراعي زيلته ؟

يبغاني أفنّد براهين الزعل وأدلّته
منهو الذي يبغى المفارق والجفا وسيلته؟؟

قوموو : وعدّولي الفضاء كواكبه وآهلته
وأذا عجزتوو؟ (ذاك عجزي يوم أعدّل ميلته)

مع كل هذا يا حلوو ناره وما أطيب صلته
كن الحشا مايستريح إلا على مليلته

عزي 00لصدري يوم ألقيّه الهبوب وفلّته
لاضيّع الساري دروبه 00وأغطشو دليلته

وعزي لرجّالٍ تُحسّب في دفاتر زلته
وهو في نفس الوقت ما يُثنى على جميلته !!

وعزي لمن خلّوه ربعه والرجال أتولته
وعِّداه تدري عن كبر مجده وعن صميلته

وعزي لعودٍ له ثمان أشجار ولا ضلّته
ولا زرع غصنٍ سوى لثمرته 00 وضليلته

تلاحق العود المرض 00وعيال راسه ملّته
أحدن ورى مصالحه 00وأحدن ورى حليلته

وعزي لمن وجه وسيع وبطن كفه خلته
في قِل حالٍ والعرب ما ضّريو بقليلته ؟!؟

وعزي لرجلٍ ضِرب وسط السوق وخّذت سلته
واللي معه (شوفات) والقادح شعل فتيلته

يزهم على حرمته فى الموتر سلاح وتلته
ثم عوّدت والموت سيلٍ 00والعرب 00 ثميلته !

ردّت على رجّالها والريق نشف وبلته
ثم شلته فى اللي تساوا خطه وتحويلته

وش عاد باقي ماتغير ؟ والهموم أحتلته
الحزن لو يحسب رجل 00فنا أنحسب قبيلته

أخوان 00وأبناء عم 00وحلوف 00وعِداء متفلته
أربع نماذج عالها قلبي وذا جت عيلته ؟

تلقى إن جملنا شلهم وألاربعه ماشلته
ألله يفشل ألاربع أللي ناويه فشيلته [/poem]

__________________

وعزي لرجّالٍ تُحسّب في دفاتر زلته
وهو في نفس الوقت ما يُثنى على جميلته !!


اللة اللة...

ارفع الراية ولا عليك من ممضغت السوالف....


صح لسانك صح لسانك.....

اخوك.....

__________________
[poem font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

يالله العن من على جيب البخيل يمد يدة=
لو يبات الليل عن صوت العرب في فج خالي=[/poem]

*

الشاعر عبدالله المسعودي" رحمة الله"

[poem=font="Simplified Arabic,4,black,bold,normal" bkcolor="transparent" bkimage="backgrounds/7.gif" border="none,4,gray" type=0 line=0 align=center use=ex num="0,black"]
عزي 00لصدري يوم ألقيّه الهبوب وفلّته = لاضيّع الساري دروبه 00وأغطشو دليلته
وعزي لرجّالٍ تُحسّب في دفاتر زلته = وهو بنفس الوقت ما يُثنى على جميلته
وعزي لمن خلّوه ربعه والرجال أتولته = وعِّداه تدري عن كبر مجده وعن صميلته
وعزي لعودٍ له ثمان أشجار ولا ضلّته = ولا زرع غصنٍ سوى لثمرته وضليلته [/poem]

[grade="00BFFF 4169E1 0000FF"]يا رية الشعر 00 يا أبو فواز 00 أشهد أنك بمثابة نــــــــور يضئ سماء الشعر في هذا المنتــــــدى 00 للــــــه درك على هذه القصيدة العملاقة.

أخـــــــــوك :[/grade]

__________________

الصقري

ابوحمري يازينها بصوتك عندي شريط فيه هذه القصيده والله اني ارجع الشريط علشان اسمعها اكثر من مره

اخوووووووووك اللي يفتخربك ابن عااااااااااااااااااااااااصم

صح السانك ياشاعرنا (راية الشعر )

سلمت والله يابوفواز

اخوك
خالد

__________________
[frame="4 60"]لااله الاانت سبحانك اني كنت من الظالمين [/frame]

ماني عزيز القوم لاصارت دموعه ذلّته
أنا عزيزٍ ذل من ربه ومن جهيلته

صح الله لسانك يابو فواز

اخوك ابن شويه

__________________


[frame="1 80"]][][§¤°^°¤§][][استغفر الله][][§¤°^°¤§][][[/frame]

صح السانك ياشاعرنا (راية الشعر )

سلمت والله يابوفواز

اخوك
شبل قحطان

__________________
[frame="7 80"]جميل ان تضحك للدنيا لكن الاجمل ان تضحك الدنيا لك[/frame]

ارحبوو ياغلاه ارحبوو

__________________

الشريفي



عيني فلا هلت يا غالي

__________________

__________________