تجربتي مع تحويل العملات ...

السلام عليكم

قبل فترة احتجت اصرف يورو فذهبت للبنك حقي في الشرقية قالوا والله ما عندنا بس لو تروح للمركز الرئيسي بالخبر ممكن تحصل ,

تركتهم رحت للبنك الامريكي قالوا اليوم ما جاتنا عملات يمكن بعد يومين مر يمكن يرسلون لنا ...

رحت للراجحي والقى العالم زحمة ...

ضرب ومضارب سعوديين وهنود وبنغال وفلبينيين وسريلانكيين وافارقة سالت السكرتي عندكم يورو قال يمكن فيه ... صف بالسره , قلت له يرحم والديك رح اسأل المحاسب اذا فيه صفيت واذا ما فيه توكلت على الله ,

الله هداه وسأل وقال اوكي فيه .. صف بالسره ,

توكلت واتغلغص بين فلبيني وهندي واحد ملبق للثاني ما لك محط رجل وقدامي حول الثلاثين واحد ...

المهم يوم قرب دوري وقدامي باقي 6 افراد رفع اذان المغرب والسكرتي اصدر امر ان الجميع يطلع برا الى ما بعد الصلاة ...

قمت اتوسل بالسكرتي انا سعودي وراي زام ليل خلني اخلص ... ما نفع قال المحاسب قفل وراح للمسجد ...

اخذت منه وعد انه يحطني اول واحد بالسره بعد الصلاة ...

المكيف خربان وحر ورطوبة وكل واحد ملبق للثاني والريحة اعوذ بالله مثل كذا... قرف




المهم فتحوا بعد الصلاة ودفع ومدافع واصير رابع واحد ...
جاء السكرتي نفسه سحبني وحطني قدام واصدر الاوامر للمحاسب ان يمشيني اول واحد

قلت للمحاسب ابغى اشتري يورو ...
كم تبي ...
قلت الف وخمس ...
شيك قال ما فيه الا 900 قلت جبهم , عطاني اياهم كانها جايبهم من درام الزبالة ... وسخة ومعفسة
, قلت له يا اخي غيرهم محد ياخذهم بالشكل والمظهر هذا , قال انت بتاكلهم ... قلت له لا يا طويل العمر بس محد راح يقبلها مني , المهم نقيت الزينات طلعو 450 يورو واخذتهم ...

كل العمليه اعلاه اخذت ساعتين وربع

وهذي صور احسن الموجود عندهم








رجعت لليابان وقلت لام عصام كلمي البنك ابغى يورو ...

طبعا نحن في قرية والبنك حقنا صغير يخدم سكان القرية وحسابي وحساب المره عندهم لذلك يعرفونا جيدا ...

كلمتهم بالتلفون وقالوا كم تبون واي من الفئات وعدد كل فئة وغدا تكون عنكم نوصلها للبيت ...

وثاني يوم الساعة 10 الصبح جاء موظهم بالدباب للبيت جايب القروش جديدة بقراطيسها محد لامسها ومعها هدية قوطي كلينكس وفرشة ومعجون اسنان و علبة شامبو للسفر

المفروض فيه شباك خاص للسعوديين لكن للاسف الاجنبي احسن منك

حتى لدرجة شفت حرمة صافه مع الهنود تبي ترسل فلوس لشغالتها

__________________
السلالة السبأية العاربة

J1c3d - L147.1
100 %

من نسل قحطان وتعزى على هود

لله درهم يابو عصام

في بعض البلدان العربيه لاتزهم على الهندي الذي يعمل في البقاله يعطيك بخمسه ريال

خبز ماجاك لكن عندنا في قطر / بنك بروه اذا انت عميل يرسل عليك شخص يقوم بخدمتك

حسب طلبك / قرض / عملات / اي شي .

شكراً يابا عصام

__________________
للتواصل:

fahad_alhababi@hotmail.com

صدقني يابو حزام كل اللي صافين بالسرة حق العملات يبون 100 دولار ورقة وحدة فقط....
يعني البنك لو يريح العملاء والموظفين بان يحط طاولة خاصة باللي يبغى 100 دولار اريح للجميع ... بس محد يفكر

هلا بك يابو حمد

نعم كذا الخدمة ... اصلا البنك هو الكسبان يكسب سمعة ويكسب زباين

أي مطار دولي بالعالم تجد فيه عشرات الصرافين وبكل مكان

في صالة الرياض الدولية موجود كشك واحد للراجحي

وأغلب العملات غير موجودة والعملات الرئيسية بالغالب تكون مخلصة

ليش الراجحي محتكر الصالة الدولية بمطار الملك خالد

وليش مايقدم خدمة صح

__________________



لأستشاراتك القانونية أضغط هنا
لوجه الله تعالى

هذي المشكلة يا بو جابر

خدمات زفت

انا اصلا ما امسك سرى

على طول الشباك بس حمر العين

__________________
السلالة السبأية العاربة

J1c3d - L147.1
100 %

من نسل قحطان وتعزى على هود

الراجحي محتكر السعودية كلها

فهوا الوحيد المسموح له يتاجر بالعملات من الخارج الى الداخل

وهوا المورد لباقي البنوك والصرافين

__________________
السلالة السبأية العاربة

J1c3d - L147.1
100 %

من نسل قحطان وتعزى على هود

شكلك من المتميزين ....

كم ارنب حاط عندهم ...