مجـاراه( خـولان وعشير الغامين) معاناة عاطل

قصيدة وضعتها قبل فتره في شبكة المرقاب الذهبيه

وجاراها الشاعر الكبير والعلم عبد ربه(عشير الغانمين) وهذا يشرفني كثير واحببت ان اضعها هنا القصيدتان

وهي عباره عن معاناة طالب جامعي عاطل

[poet font="Simplified Arabic,5,darkblue,bold,italic" bkcolor="transparent" bkimage="backgrounds/6.gif" border="solid,4,gray" type=2 line=200% align=center use=ex length=0 char="" num="0,black" filter=""]
خولان بن عامر

لي ثمان سنين ادّور لي مـع العالـم وظيفـه=والغريب اني مخضـرم والشهـاده جامعيـه
والبلد مليان مثلـي يمكـن انهـم بالنصيفـه=والبطالـه كونـت فـي مجتمعنـا عنصريـه
زعل ابوي وزعلت امي واصبحت حاله مخيفه=مالهـم غيـري وانـا ودي بخدمـة والديـه
يرتجـون الفايـده والفايـده صـارت كليفـه=والفقر دكـا علـى المركـى ودن السمسميـه
ان بغيت النوم عفته وان بغيت الـزاد اعيفـه=حالتـي يرثالهـا والاقربـاء شرهـوا عليـه
صارت قلوب البشر قشرا بعد كانـت لطيفـه=يـوم ماعنـدي وظيفـه مابقـالـي قابلـيـه
والوظايـف سكـروا بيبانهـا كلـن وكيفـه=والتجـارة روّحـت بيـد العمالـه الاجنبيـه
سجلوني لو على بنـد الاجـورات الضعيفـه=من خذيت الجامعه ما طب قرشٍ فـي يديـه
باشتري لابوي غتره واشتري لامـي قطيفـه=كم تمنيت اشتري لابـوي ولاّ امـي.. هديـه
وعـاد قدامـي زواج ومستحقـاتٍ خفيـفـه=ياهني اللي توظـف فـي الحكومـه واهنيـه
اكتبوني حارس كلـن تشّبـث فـي رغيفـه=بعد ماكنت احلم اني فـي قطـاع العسكريـه
البطل صار الضحيه بيـن بـارع والعسيفـه=الله اكبر يازمـان صـاروا ابطالـه ضحيـه
ليت وادي فاطمه سيلـه مثـل وادي حنيفـه=كان نبت العشب بين الكوع وشـداد المطيـه
المشاكل حلهـا عنـد الرجاجيـل الشريفـه=مالهـا الا سيـدي نـايـف وزيرالداخلـيـه
[/poet]

[poet font="Simplified Arabic,5,darkblue,bold,italic" bkcolor="transparent" bkimage="backgrounds/6.gif" border="solid,4,gray" type=2 line=200% align=center use=ex length=0 char="" num="0,black" filter=""]
عشيرالغامين
مل قلبٍ كل ماهوّد عنـاه وطـاب كيفـه=اعترض له هاجسه من دون ذنب ولا دعيه
فيه جرحٍ من قديم ولا برا جالـه خليفـه=ايتجدّد بـه عذابـه فالصبـاح وفالعشيـه
وأشغله زودٍ على ماجاه من فرقـا وليفـه=مـن طعونـه ماتبقّـا لا كثيـر ولا بليـه
كلها ضرب البيوت اللي مثل ضرب القذيفه=صاغها الشاعر وشدّتني معانيهـا القويـه
والقصيد أمّا يشدك ماعلى تركـه حسيفـه=كم قريت وكم سمعت من اللحون السامريه
مار قافٍ هندبه خـولان حرّكنـي وحيفـه=واستثار اللي كمن بأقصى المهاديف الشقيه
ياولد عامر نبشت الجرح واسترسل نزيفه=وأدري إنك مانبشت الجرح غير بحسن نيه
تشتكي من جور وقتك حالتك صارت كسيفه=وأنت منتب وحدك اللي راحة يدينه خليـه
دام هاذي حالكم ياهل الشهـادات المنيفـه=يرحم الله راعـي المتوسطـه والثانويـه
تضرب الدنيا وضربتها تجي دايـم عنيفـه=فتنة ابن آدم وخدعه مالها غيـره رعيـه
( والعرب فيهم بلا وقلوبهم ماهي نظيفه )=كل واحد في ولد عمّه يغـز الحضرميـه
لو نزل راع الشداد بْما فعل وصّا رديفـه=والرديف أقشر طبوع ألاّ على حفظ الوصيه
ينتهي عمرك ولا تفرق ربيعه من خريفـه=الله أنه يقلعتس ياشجـرةٍ مافيتـس فيـه
واضحه ماكل برقٍ يجذب المسني رفيفـه=عقب جاء سم العقارب فالمزون العقربيـه
عبد ربه
[/poet]

__________________

بع بع بع بيض الله وجهك

والف الف شكر هذه والله الجزاله

والواقع المر يتعانقان فسلمت يداك

صح لسانك ولسانه وما قصرت


تقبل احترامى

خولان بن عامر


صح والله لسانك ولسان مجاريك


قصائد جزله من شعّار اجزل

تحياتي لك

__________________
قالها اللي مايخوجل في كلامه _عاطفي(ن) يعتزي بالعاطفيه

صح السانك صح السانك
ياخولان بن عامر
صح السانك
وصح السان مجاريك الشاعر عبد ربه ..ولاهنتو

قصيدتين رائعتين .. موضوعها اجتماعي هادف .. صيغت بطريقة الكبار

لاهنت ياخولان على نقل قصيدتك والرد عليها ...يعطيك العافيه على اثراء الموقع
باالمشاركات ذات الجوده العاليه
وتقبل تحيات اخوك
خالد

__________________
[frame="4 60"]لااله الاانت سبحانك اني كنت من الظالمين [/frame]