من القصائد النادره

يا مل عين في محاجيرها شوك
والقلب به عن لذة النوم تكاك

لادك في قلبي من الهم داكوك
جاوبت طربات الحمايم على الراك
عزي لحالك ياعزيز وانا ابوك
كان الزمان اللي وطاني توطاك
افهم وصاتي ياعزيز وانا ابوك
دامك صغير وغاية العلم يقراك
تراه ماينفعك خالك ولا اخوك
لاصار ماتقضي لزومك بيمناك
وربعك الى بان الخلل فيك عافوك
اقرب قريب لك من الناس يشناك
ان كثر مالك اصدقولك وطاعوك
وان قل مابيدك شانت حلاياك
لو تطلب الما عندهم كان ما اسقوك
ابعد مزارك عن وطنهم ومرباك
وان طاب حظك اصدقولك وحبوك
وان بار بك كل مايبي غير فرقاك
وهراجه المجلس الي جيت وروك
منازل تطرب نظريك بدنياك
والي قضوا منك اللوازم وخلوك
تفرقوا وانت احتمل كل ماجاك
كنك سراج البيت للنور شبوك
والي انقضي اللازم حدا الربع طفاك
ولاكما ليمونه الحمض مصوك
والي قضي منها الطعم مزغو ذاك
واللي يجي من رفقته ريب وشكوك
احذر عنه ليا ك تصحبه بمسراك
والي جفوك اهل الوطن واستخفوك
قلع غريسك منه واهدم ركاياك
تراك لو ترجع على الرجل صعلوك
احسن من اللي تلتجي به وياطاك
وعطهم حقوقهم الي منهم جوك
واغلق ضميرك لاتعلم بقصاياك
ان طبت ماحبوك وان عبت زلوك
تمضي حياتك ناقل داك برداك
والي نفوك من الوظيفه وعافوك
خفت موازينك وكل تهقواك
واصحي لخلان الرخا لو تغالوك
اعرف تري اطيبهم الي احتجت يجفاك
كنك خوي امقيط دهووك واغووك
وحقك عطاك ارشاك واقفا وخلاك
واحذر عن العيلة تري الحق مدروك
مثل العمل يدركك ما منه فكاك
وان كان عدوانك علي الضيق حدوك
فاخصم طلابتهم بعجفاك وقداك
وان كان هم لمشرف الحق ماشوك
ناظر مطاليع الفرج قبل مبداك
وان طاوعوا شيطان الانفس وهانوك
فاصبر علي البلوي ودفنك رزاياك
زرهم تراك الياتونيت زاروك
اما بديت لصاحب السو بيبداك
مادامهم ماطاوعو لك وعرفوك
اضرب علي الكايد الي عمست ارياك
لو هذبوك من المصاوب وضدوك
مايذبحونك قبل تدني مناياك
واحلم علي الجاهل ترا الحلم مبروك
وقم للضعيف اللي من الظلم ينخاك
وادمح خطا جيران بيتك ولو اوذوك
تري القصير وحرمه الجار بحماك
عطهم رواتب حقهم لو تناسوك
في كل ما يصلح لدينك ودنياك
وقم للضيوف اللي عنولك وضافوك
اغلا كرامتهم حجاجك وبشراك
واعرف تري مالك من الضيف مشروك
لولاة يطلب حاجته منك ماجاك
وقم للرجال ان رايعولك وحبوك
واحشم خويك واكرمه عند ملفاك
ولاتبات بهم دنياك مضنوك
ماطاب لك مادام لك وافتهم ذاك
لو يطلبون اخفايك الناس مااخفوك
الرجل مثل النجم في كل الافلاك
وصلاة ربي عد الاوراق والشوك
او ماناض براق وماهل سفاك
علي الذي مافيه ريب ولااشكوك
محمد مادك بالقلب دكاك