[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num=",white""]
الشعر وضعه تالي الوقت منهار = تناوشوه اهل العقول الخفيفه

ما عاد له قيمه ولا عاد له كار = واصبح وظيفة من يدور وظيفه

هذا ولي بالشعر مارد ومصدار = واتعب على الجزلات لو هي كليفه

والشعر له عندي معزه ومقدار = ومن بيننا عشق الوليف لوليفه

ولا شاقني شعر المقوصد ليا صار = سبكه ضعيف ومفرداته ضعيفه

ومن ضاع عمره بالفشل ذاق الامرار = ويصبر على الدنيا بحالٍ كسيفه

مضى زمانه ما درى ويش يختار = متحيرٍ بين الاخير ووصيفه

والى احتمى الميقاف مع كل مغوار = يهاب من حد السيوف الرهيفه

وقد قيل مكسور الجناحين ما طار = لو هاز نفسه للرجوم المنيفه

والعز ثوبٍ يلبسه كل جبار = من بان فعله بالليال المخيفه [/poem]

__________________