قالوا زمنا تبدل يالله الخيره

سبحان من حن تحت حكمه وتدبيره
مهما انشغلنا عنه ماينشغل عنا
يحكم بحكمته ويقدر مقاديره
لولاه ماكانت الدنيا ولا كنا
قالوا زمنا تبدل يالله الخيره
واقول لابالله انا اللي تبدلنا
آيه زمنا كماه ابشره وخيره
غير الحقيقه حن اللي ماحن بحنا
تعاملٍ ماعرفنا ويش تبريره
يمكن يكون الرخا غير تعاملنا
الواحد ايقصر وماشاف تقصيره
لو كان عمره كبير ودقنه امحنا
ضاعت حقوق الرفيق وبارت الجيره
واقرب قريبٍ لنا ماكنه ابمنا
كلٍ على شغلته يلقي معاذيره
شغلاتنا مانتهت ولاتواصلنا
والصدق زاد اختلف مثله مثل غيره
احواله امصلحه وبعيره امثنا
والمستشير ان بغاله واحد ايشيره
يمكن يقول القدا منا وهو منا
الامر يحتاج تهليله وتكبيره
ماهوب متعدل الا لا تعدلنا
هذي رساله عن الواقع وتاثيره
لعل يمكن نعود مثل ماكنا

صدقت صدقت

صح لسااااااااانك هذا هو الواقع

تقبل مروري واعجابي

أبو محمد

صح لسانك ودام أبداعك شامخ بكل حالاتك يالغالي

سجل أعجاااااااااابي.


علي بن شبله

صح لسانك

__________________
ودي بخبل في اللقاء ما يمالي * ولا بصاحي في الشدايد هلامه..