السلام عليكم ورحمة الله وبركاته


مبطي من مصافحكم يالقروم .. وهذي قصيدة من الأرشيف ألقيتها في حفل آل بو ظهير لتكريم ابنهم الملازم حمد



[poem=font="simplified arabic,5,blue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="1,black""]
جاني اتّصالك يابو بندر واحتزم يابو ظهير = والله ما ادوّر لي عذر واقول آريد المعذره
الطّيب اللي مثلك وشرواك له حقّ كبير = ما عاد غير أحضّر الأوراق جنب المحبره
مبروك والله يا حمد ياللي على العليا تسير = يالظّابط اللي عينك تعرف المرام وتسبره
ويا مرحبا ياهل الوفا والله يمسّيكم بخير = سلم الرّجال اللي معرفتهم وسام ومفخره
وجيه روح مشوّشين الرّوس لا صاح النّذير = تارد على الموت الحمر والعايل تقصّ ظهره
أهل الظفر وأهل الفعول البيض فاليوم الكبير = ومدلّهين الضيف فاليوم العبوس القمطره
ربع تدوّر للنّعم فالوقت الأول والأخير = أدناهم اللي ياصل اللاّزم ليا حدّ بصره
أقولها وانا ولد مكرع زهيري من زهير = هل عزوة وقفاتها مرّ الزمان مسطّره
حبّيت أشاركّم واعبّر عن بعض ما في الضّمير = ولا القصيد يطول عدّه يا عسى فيه ثمره[/poem]