ردي الرابعة

[poem=font="simplified arabic,7,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="1,black""]
يا ذا الجلال اللي رفيع(ن) فوق خلقه في سماه=اللي على عرشه رقيب وعالم بكل الملا
سبحانه المعبود رب الكون ونساله رضاه=القادر اللي فارج(ن) لأيوب يوم أنه ابتلا
أفرج لقلبي من عنا الأيام في هذي الحياة=لا جيت أسلي خاطري يضيق عيا ما سلا
لاعتني الدنيا وعمري بادي(ن) في مبتداه=حتى وعيت وذقت طعم المر من طعم الحلا
صلفات بقعا تتعب الرجال وتبين خفاه=وما فيه أحد قلبه سليم ومن زمانه ما انغلا
حقيقة ان الوقت ما يومن ولو يبطي بلاه=يغير في ساعة ويهدم ما بنيته من علا
واللي تهقوا في الزمن مريض ويدور دواه=سواة من يرجي بخيل وعقب لقاه الخلا
ياصاحبي مالي على الوافي عتاب ولا سواه=لأنه شبيه الغيث لا همل شبع راع الفلا
أدمح خطا الغالي وأجنب وأتجاهل عن خطاه=وليا لقيه قلت له يامرحبا وأهلا(ن) هلا
واللي تناسا رفقتي مدري علامه وش وراه=ما كنه من أول معي في ما مضى شرب وكلا
جعله فدا اللي لا نخيته في لزوم(ن) لي قضاه=اللي ليا جيته يقول أبشر ترى الهم انجلا
مثل الجبل ثابت على البيداء ولا يلحق مداه=متمكن(ن) بالقلب ساكن بالمحبه والغلا
ودرب الوفاء والطيب ما كل(ن) على كيفه مشاه=على ردي الرابعة يصعب وشوره مهملا
وقبلي يقوله شاعر(ن) قافه رفيع(ن) مستواه=محمد الفهري ليا صاغ القصيد مجملا
أشره على الطيب ليا جاب الخطيه من غلاه=وإلا ردي الرابعة ماني بوياه اعملا
وترى الذهب يصدى ولكن اصقله يظهر صداه=ويبين لك عيبه وطيب أصله ليا منه انجلا[/poem]

جازع مهدي آل سفران

__________________

صح لسانك يالغالي

__________________

أجمل شي في ألانسان قلب صافي يدعو لك

11 جعله فدا اللي لا نخيته في لزوم(ن) لي قضـاه
اللي ليا جيته يقول أبشـر تـرى الهـم انجـلا
12 مثل الجبل ثابت على البيداء ولا يلحـق مـداه
متمكن(ن) بالقلـب ساكـن بالمحبـه والغـلا


ارحب يابو خالد تراحيب المطر

صح لسانك وبيض الله وجهك وعادتك الجزاله يابو مرحبا

والبيتين هذي اهداء مني لك لأنك تستاهل ياكحيلان

القصيده وافيه وراعيها وافي

لاتحرمنا جديدك لاعدمتك

تقبل ودي وتقديري

__________________

7 والـــلـــي تــهــقــوا فــــــي الـــزمـــن مـــريـــض ويـــــــدور دواه
ســــــواة مـــــــن يـــرجــــي بــخــيـــل وعـــقــــب لـــقــــاه الـــخــــلا


الله الله عليك يابو مهدي شاعر مبدع

بيض الله وجه الابيات والقاف الكثير
علمتني صادق الشعار من كذابها

صح لسانك وبيض الله وجهك
وبصراحة أبياتك ومعانيها من اروع القصايد

دايم جزل وشاعر مبدع وموقفق يابوخالد وافيه والله يوفقك ولنا الامل في المشاركات الشعريه

صح لسانك وبيض الله وجهك
وبصراحة أبياتك ومعانيها من اروع القصايد

__________________

اخي الغالي جازع

صح لسااااااانك
على هذه الابيات المميزة

لك تحياتي وتقديري

__________________

ابيات جزله صح السانك ولاهنت
وسلمت يمينك وكلك
لاهنت

صح الله لسانك يابو مهدي .... هكذا عهدناك مبدع .... تحياتي