[poem=font="Simplified Arabic,6,white,bold,normal" bkcolor="transparent" bkimage="backgrounds/26.gif" border="none,4,gray" type=0 line=0 align=center use=ex num="0,black"]
اللي توّز الضلع بالقـرن مسكيـن=مسكيـن والله غـرروك المساكيـن
ان كان تبغى الصدق والصدق منجاة=كلمتك ماتنحسـب لاتوفـي الديـن
ترسل على الجـوال نكتـه قبيحـة=تقول المهايط سلم عنـد القحاطيـن
لاشك خذها اليوم من كف صاحب =واسمع علـوم مرجحيـن الموازيـن
حنّا عيـال العـود روس القبايـل =حنا هل الطالـة كعـام المعاديـن
حنّا هـل النخـوة نهـار الملاقـى=نقبل على الهيجاء سـواة الشياهـن
حنّا الحسب حنّا النسب في الجزيـرة=وان جات للسلطة ترانا السلاطيـن
حنّا العرب ساس العرب يا مغفـل =تاريخنـا يعطيـك عنّـا براهـيـن
يكفيك حسان ابن ثابـت وكافـي=شاعـر نبـي الله ختـام النبيـيـن
قصيدتـه للحيـن تقـرا وتكتـب=تخيـل مـن الجاهليـة لهالحـيـن
نحن بنو قحطان هـود(ن) جدنـا=وأجدادنـا الغرالزحـول المياميـن
قحطــان اي قحـطان العريبـة=اهل الفعايل لانعـى ناعـي البيـن
قصيرنـا ينعـم بنعمـة ذرانــا=نقسم عشانا في رضا الجار قسميـن
وخوينا يبشـر بنـا فـي لزومـه=حنّا على باديـه فالعسـر والليـن
ونسيبنا يفخر بنـا ونفتخـر بـه=ولانـدوّر فـي النسـب للمزاييـن
ورفيقنـا لـه فـي رفقنـا بنايـد=ليا زهمنـا نجيـه مثـل المجانييـن
في جهلنا نجهل على كـل جاهـل =أميرنـا شيطـان وحنّـا شياطيـن
وفي حملنا اثقل من جبال الرواسـي=أميرنـا رحمـان وحنـا رحاميـن
وقوعنا فـي كـل ديـرة عقوبـة=انشد عن اللي شافها شوف بالعيـن
وقايع(ن) منهـا يشيـب الغليّـم=أهوالها بأهـوال حطيـن وحنيـن
حريبنـا لا صـد عنّـا مـواجـر=لاارضى مشايخنـا وقـرب قرابيـن
وعدونـا كانـه نـوانـا بنـيّـه=لاهزنا ندبل لـه الصـاع صاعيـن
وشيوخنا مقـدم شيـوخ العشايـر=لا نوّخت دعوى العرب بين صفيـن
منّا المهادي وابـن هـادي وشالـح=ومنّا الشفاليت الداهـاة الدناديـن
ومنّا جمل وجراب والذيـب فـراج=واللي خذا من القوم تسعة وتسعيـن
مسعود يوم اشتـل عيلـة رفيقـه=وساق العوادي مثل سوق البعاريـن
وتكفيك قصة ذيب بيـن القبايـل=يوم احتمى الخلفات دون المغيريـن
هـذي فعايلنـا وباقـي و باقـي=لا قلت لـك ثنتيـن باقـي ثمانيـن
فينا الوفاء والطيب طبـع وجبلّـه=وفينا الكرم والجود دايـم مقيميـن
وفينا الفخر والعز خصلـة عتيقـة=لها بوسط نفوسنـا سنيـن وسنيـن
يعرف عيال مضيم من ضاع رايـه=ومن طيّحه في نارنـا فالـه الشيـن
ويعرف عيال مضيم من زل حـده=وصارع حرايبنـا وعانـا الامريـن
يشهـد بأفعالنـا كـل عــارف=من البحر الاحمر لين عجمان و العين
يشهد لنا تركي ومسلـط وفيصـل=ويشهد لنا عبيد العلي وابن حثليـن
حدودنا من حـد نجـران علـوى=لـحد ظلم لابرق الخيـل للريـن
نستاهل النعـم وقليـل(ن) علينـا=حتى ولو يدبل لنـا النعـم نعميـن
ولا على القبايل زود كلن له ايـده=في ذمتـي وافيـن وافيـن وافيـن[/poem]

[7la1=00CCCC] صح لسانك يالاجودي صح كثر الله خيرك وكثر الله من امثالك [/7la1]