طبع الثعالب مالذياب اتحمطها

قصيدة ارتجاليه





ماني على العالم وكيلن وملزوم



-----------اتبع خطاويها واغير نمطها



ياخاطري خلك عزيزن ومحشوم



-----------مالك ومال اللي كثيرن لغطها



لوتنصح الجهال زادوك باللوم



----------ابعد عن الحيه والى جتك فطها



ناسن خذاها الكبر والزود والزوم



---------بين الخلايق كاثراتن شططها



وناسن تجامل للجنيهات وتحوم



--------بانت نوياهم وكشفت خططها



وصار المسلسل ف انتقادت واهجوم



--------واللي خذا دور البطولة عبطها



ومنهو يسلم لحيته للبشر يوم



---------كلن تعاقبها وكلن زلطها



رجلن بلى عزن بلى شك محروم



-------كرامته بين النشامى شرطها



ياما لقينا مثل شرواه بالكوم



----------وطبع الثعالب مالذياب اتحمطها



بوصيك ياتركي على كل شغموم



------وجنب عن اللي للمراجل نبطها



ولاتبيدي ابسدك على راعي اعلوم



--------كم سبحتن وسط المجالس فرطها



وخلك حكيم الراي للعقل محكوم



-----------وان ماظبطت النفس محدن ظبطها



ولاغير ربي تطلبه فارض الصوم



----------اللي رفع سبعن وسبعن بسطها



مقسم الارازق من خير مقسوم



-----------واعمال من يشرك جميعن حبطها

ارحب يا ابن عاصم
وصح الله لسانك قصيدة رائعة تضمنت حكمة
ننتظر جديدك
تحياااااتي

اخي ماجد

صح الله لسانك وبارك الله فيك
نص جميل جداً
ويستحق الثناء
فشكراااا لك




تحياااااتيلك
العبيدي

__________________

يازين علومك ياماجد قصيده اروت عطش قاريها جعلك والله تحيا

__________________
ربنا اتناء في الدنياء حسنه وفي الآخرةِ حسنه وقنا عذاب النار
<<<<<<<<<<<<<<>>>>>>>>>>>>>>>>>
يارب قدم اليك عبدا نحبه ويحبنا فاوسع مدخله واكرم نزله اللهم ارحم عبدالله بن عبدالعزيز

اللهم يارب العالمين
ان تحقظ لنا ولات امرنا
وان تمد ملكنا سلمان الحزم بالنصر والظفر
اللهم ان تقوي عزائم المحمدين على طاعتك
وسلطهم على كل فاسق ومنافق واصلح بطانتهم

ارحب يابو تركي وصح الله لسانك

والله يخلية لك .

__________________


http://www.qahtaan.com/works/up/get....fmnp1261962149

صح الله لسانك اخي ماجد

صح لسانك يا أبو تركي

جزل ومن ناسٍ تعشق الجزالة

__________________

ارحب يابوفرج

صح بدنك

ياسلام ياسلام

قصيده جزله وصح لسانك حتى ترضى

اخوي ذيب شهادتك اعتز بها