فاعل خير سعد ابن جدلان

فـاعـل خـيـر

انا ويـن ابلقـا يالاجاويـد فاعـل خيـر
حريـصٍ علـى سـر المحبيـن لرسلتـه

امن اول لو اصبر عام ما بان بـي تأثيـر
وهالحين حتى صبر يوميـن مـا احتلتـه

انـا مثـل صقـارٍ تولّـع بحـب الطيـر
ولف قلبـه افـروخ الشياهين وهبلتـه

تولعت فـي فـرخٍ قضيـبٍ يتـل السيـر
ابي لمحـةٍ مـن نظـرة الحـر وإسبلتـه

صغير بسنه غير عندي ماهوب اصغير
يا مغلاه فـي قلبـي ويـا كبـر منزلتـه

اجمع له سمان الهرج خـوفٍ مـن التقصيـر
والا جيت ابشرح لـه كلامـي تهيزلتـه

يجيني منه هيبة محبـه.. سحـى.. تقديـر
اقابلـه عنـدي علـم واروح مـا قلـتـه

يجيني منه هيبة محبـه.. سحـى.. تقديـر
اقابلـه عنـدي علـم واروح مـا قلـتـه



الله لا يهينك يا رعد على الابداع في الاختيار

الاخ رعد

السلام عليكم ورحمة الله وبركاته

خير ما اخترت

ابن جدلان ذائقه شعريه فريده

يمتاز بمفردات لاتجدها عند غيره

لاحض هذا المعنى

انـا مثـل صقـارٍ تولّـع بحـب الطيـر=ولف قلبـه افـروخ الشياهين وهبلتـه

تولعت فـي فـرخٍ قضيـبٍ يتـل السيـر=ابي لمحـةٍ مـن نظـرة الحـر وإسبلتـه

صغير بسنه غير عندي ماهوب اصغير=يا مغلاه فـي قلبـي ويـا كبـر منزلتـه

اجمع له سمان الهرج خـوفٍ مـن التقصيـروالا جيت ابشرح لـه كلامـي تهيزلتـه

اسعدني مروركم والله لا يهنكم
وتقبلوا تحيات رعد الجن