ياناشد عني من الراس للراس

ياناشد عني من الراس للراس ×××× خل العباد اللي كثير صججها

اعلمك علمي ترى البال منحاس ×××× سبايب هموم على الله فرجها

في خاطري ضيقه وفالصدر هوجاس ××× نار تزايد في ظميري وهجها

ثلاثه اشهر مادخل عيني نعاس ××× امسو عباد الله بلاها سهجها

اضحك واسولف واتظاهر بالاوناس ××× وانا اللي همومه بضحكه دمجها

تخالف هموم جدايد ودراس ××× تقبل وتقفي والظلوع تخلجها

شكواى ماتسند على طابخ الفاس ××× اللي مايفرق درها من حدجها

اشكي على اللي رحمته تذهب الباس ××× حلال عسرات الامور وحرجها

وحنا بذا الدنيا مصدر وعساس ××× اللي ورد واللي سعى شوي واجها

نطرد ورى الدنيا مكاسيب وافلاس ××× دنيا تمايل ماتعدل عوجها

والناس ماتدري وش اللي ورى الناس ××× لوانها متشابهات حججها

كل يبي في قمه المجد مجلاس ××× والقمه العليا صعيب درجها

والادمي لا صار مخلص وحساس ××× ليا لقى بيض المناهج نهجها

والنفس من سلم رسنها لوسواس ××× عزالله انه بالمصايب ولجها

واقول من عود ظميره على الباس ××× يمكن يموت وهرجته ماهرجها


الشاعر / مشخص الفهري

__________________

أرحب يابو سلطان

وأبيض وجه على النقل المنفرد والمتميز لاعدمناك

وصح لسان الشاعر مشخص ولا يستغرب عليه الجزاله

قصيده وافيه من وافي

تقبل ودي وتقديري

__________________

صح لسانك

القصيدة وافية

__________________