ماشاء الله تبارك الله

لاهنت يابو فيحان

أول موضوع قعود يعني المواضيع الجايه دسمه ننتظرك

يالقرم

تحياتي

__________________

ولا أنت يابو عساف

بالتوفيق يابو فيحان والله يرحم عمك سعود

الا ما ودك تبيع الاف جي ههههه

__________________


http://www.qahtaan.com/works/up/get....fmnp1261962149

ارحب يابن عاطف
والله يعافيك ويسعدك في كل الوقات
وعسى الله يخليلك شيبانك
والتوفق للجميع

ومـــــــــــــن لارقــــــــــــــى لـــلـــطــــيــــب روس الـــشـــواهــــيــــق

مـــــــــــازان لـــــــــــه وقـــــتــــــه عـــــلــــــى مـــــــــــا بــــــدالــــــه

ومـــــــــــــــا دام لـــــفـــــعـــــول الـــجــــمــــايــــل عـــشــــاشــــيــــق

كــــــســــــب الـــجـــمـــايـــل مــــــــــــا يــــــجـــــــي بــالــســـهـــالـــه

ولــــوأنّــــهـــــا تــــــشـــــــرب مـــــــــــــع فــــــكّـــــــة الــــــريـــــــق

كــــــــل خـــــــــذا لـــــــــه كـــــــــل مـــــــــا أ صــــبـــــح بـــيـــالـــه

والـــــطـــــيــــــب مــــــــنــــــــوه لــــلــــقــــلــــوب الـــمـــشـــافـــيــــق

كــــــــــــــــل ٍ يــــــــتــــــــوق ومـــــنــــــوتــــــه رآس مــــــــالـــــــــه

والـــــمــــــدح مـــايــــزهــــى عـــــلــــــى الــــــرجــــــل ويــــلــــيــــق

إلا لا صــــــــــــــــــــارت وافــــــــــيـــــــــــات ٍ خـــــــصـــــــالـــــــه

يـــســـتـــاهــــلــــه رجـــــــــــــــــلٍ يــــــــفـــــــــك الــــمــــزانــــيـــــق

الــــــلـــــــي يــــــقـــــــال ونـــــــعـــــــم لا جــــــــــــــا مــــجـــــالـــــه

ومـــــــــن ســـاقـــتـــه نـــفـــســــه وهــــــــــو مـــابـــعــــد ســـــيـــــق

لأجـــــــــــــــــل الــــجــــمــــيـــــل يــــــــزيّـــــــــن الله فـــــــــالـــــــــه

والــــمــــرجــــلــــه مــــــــاهــــــــي بــــتــــحــــتــــاج تــــنــــســــيــــق

مــــــــــن بـــــيـــــن قـــــلــــــب الـــــلــــــي عــشـــقـــهـــا وبـــــالــــــه

ومــــــــــــن عــــــــــــادة الــــدنــــيــــا تــــــخـــــــون الـــمـــواثـــيــــق

تـــــفــــــتــــــرّ مــــكــــرتـــــهـــــا ســــــــــــــــــواة الــــمــــحـــــالـــــه

ولـــــــــــــــولا الــــــــلــــــــوازم مــــاعــــرفــــنــــا الـــمـــخـــالـــيــــق

مـــــانــــــعــــــرف الــــــــرجـــــــــال لــــــــيـــــــــن انــــعــــنــــالـــــه

والـــكــــفــــو تــــظــــهــــر فــــزعــــتــــه حــــــــــــزة الــــضــــيــــق

ويــــنــــشــــاف فــــــــــــي الــــــشـــــــدة بــــعــــيـــــن الــــعــــدالـــــه

نــــــــســــــــل الــــــــرجــــــــال مـــتـــعّـــبـــيــــن الــــمــــلاحــــيـــــق

مــــتــــوســـــط مـــــــــــــن بـــــــيـــــــن عـــــــمـــــــه وخـــــــالـــــــه

والــــــلــــــي يــــطــــيــــق ولابــــــغــــــى قــــــــــــال مــــاأطــــيــــق

تــــــــحــــــــرم عـــــلــــــيــــــه الــــمــــرجــــلـــــه والــــشــــكــــالـــــه

والـــهــــيّــــنــــه تـــكـــبـــرعـــلــــى الــــــــــــــــلاش والـــــهـــــيــــــق

لـــــــه فــــــــي الــــرخــــاء قــــالــــه وفــــــــي الــضـــيـــق قــــالــــه

والــــطـــــيـــــب شــــــــــــــاره والـــضـــمــــايــــر صـــــنـــــاديـــــق

والـــــــــــــلاش طــــيــــبـــــه مـــــــــــــا تــــــعـــــــدى ظــــــلالـــــــه

وأنــــــــــــا اســــــبــــــر قــــــلــــــوب الــــــرجــــــال الــمــغــالـــيـــق

والــــصــــامــــت اقــــــطــــــع غــــايــــتــــه مــــــــــــن مــــقــــالـــــه

ومـــــــــــادام فــــــــــــي الــــدنــــيــــا رجــــــــــــال ومـــطـــالـــيـــق

نــــصـــــيــتـهــــم والـــــلاش مـــــالــــي ومــــــالـــــــــــه

القصيدة ابن شفلوت

السلام عليكم ورحمة الله وبركاته
.....

يااللي تهوز الضلع بالقـرن مسكيـن
مسكيـن والله غـرروك المساكيـن
وان كان تبغى الصدق والصدق منجاه
كلمتك لا تحسب ولا توفـي الديـن
ترسل على الجـوال نكتـه قبيحـه
تقول المهايط سلـم عنـد القحاطيـن
لاشك خذها اليوم من كف صاحـب
واسمع علـوم مرجحيـن الموازيـن
حنـا عيـال العـود روس القبايـل
حنا هـل الطالـه كعـام المعاديـن
حنا هـل النخـوه نهـار الملاقـى
نقبل على الهيجاء سـواة الشياهيـن
حنا الحسب حنا النسب في الجزيره
وان جات للسلطه ترانـا السلاطيـن
حنا العرب ساس العرب يـا مغفـل
تاريخنـا يعطيـك عنـا براهـيـن
يكفيك ( حسان بن ثابـت ) وكافـي
شاعـر نبـي الله خـتـام النبيـيـن
قصيدتـه للحيـن تقـرا وتكـتـب
تخيـل ؟ مـن الجاهليـه لهلحـيـن
(نحن بنـو قحطـان هـوداً جدنـا)
واجدادنا الغـر الزحـول المياميـن
حنا قحطان ايـه قحطـان العريبـه
اهل الفعايل لا نعـى ناعـي البيـن
قصيرنـا ينـعـم بنعـمـة ذرانــا
نقسم عشانا في رضى الجار قسمين
وخوينـا يبشـر بنـا فـي لزومـه
حنا على باديه فـي العسـر والليـن
ونسيبنـا يفخـر بنـا ونفتخـر بـه
ولا نـدور فـي النسـب للمزاييـن
ورفيقنـا لـه فـي رفقنـا بنـايـد
اليا زهمنـا نجيـه مثـل المجابيـن
في جهلنا نجهل علـى كـل جاهـل
اميرنـا شيطـان وحنـا شياطـيـن
وفي حلمنا اثقل من جبـال رواسـي
اميرنـا رحمـان وحنـا رحامـيـن
فعولنـا فـي كـل ديـره عقـوبـه
انشد عن اللي شافها شـوف بالعيـن
وقايـع منـهـا يشـيـب الغلـيـم
اهوالهـا باهـوال حطيـن وحنيـن
حفيفنـا لاصــد عـنـا مـواجـر
ولرضى مشايخنـا يقـرب قرابيـن
وعـدونـا كـانـه نـوانـا بنـيـه
لاهازنا ندبل لـه الصـاع صاعيـن
وطليبنـا لـو كــان داره بعـيـده
ليالـي وصبـح عشـاءً لام تاجيـن
وشيوخنـا مقـدم شيـوخ العشايـر
لانوخت دعوى العرب بيـن صفيـن
منا المهادي وابـن هـادي وشالـح
ومنـا الشفاليـت الدهـاة الدناديـن
ومنا جمل وجراب والذيـب فـراج
واللي خذا من القوم تسعه وتسعيـن
مسعود يـوم اشتـل عيلـة رفيقـه
وساق العوادي مثل سوق البعاريـن
وتكفيك قصـة ذيـب بيـن القبايـل
يوم احتمى الخلفات دون المغيريـن
هـذي فعايلنـا وبـاقـي وبـاقـي
لاقلـت لـك ثنتيـن باقـي ثمانيـن
فينا الوفاء والطيـب طبـع وجبلـه
وفينا الكرم والجـود دايـم مقيميـن
وفينا الفخر والعـز خصلـه عتيقـه
لها بوسـط نفوسنـا سنيـن وسنيـن
يعرف عيال مضيم من ضـاع رايـه
ومن طيحه في نارنـا فالـه الشيـن
ويعرف عيال مضيم مـن زل حـده
وصالى حرايبنـا وعانـا الامريـن
ويشهد لنـا بأفعالنـا كـل عـارف
من البحر الاحمر لين عجمان والعين
يشهد لنا تركـي ومسلـط وفيصـل
ويشهد لنا عبيد العلي وابـن حثليـن
حدودنا مـن حـد نجـران علـوى
لي حد ظلماء لبرق الخيـل للريـن
نستاهـل النعـم وقلـيـل عليـنـا
حتى ولو يدبـل لنـا النعـم نعميـن
ولا على القبايل زود كل لـه ايـده
فـي ذمتـي وافيـن وافيـن وافيـن

وسلامتكم قصيدة ابن شفلوت

ارحب يابوفيحان

ال بلاع ماشاء الله عليهم ابلهم طيبة

البقا يابوشارع

وأنتم أهل الطيب يالعاصم

ولكم مني أطيب تحيه

والنعم يابو فيحان

بيض الله وجهك وصح لسانك ولسان ابن شفلوت

__________________