سحابة الجمعه

[poem=font="MS Dialog,7,black,normal,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
أستبشر الشعب السعودي والفرح عـــم الــبلاد=وقامت تردد عـاش حاكمها وتحيا المملـكه
في ظل من كفه على شعبه يجــود وفــي ازدياد=وخــزاين الدوله على كل الوطن مستهلـكه
وسحابة الجمعة لــها صـيت(ن) على العالم وكـــاد=سمعـت بها كل الدول لو بعضها متشربـكه
يـــديرها ريــــف الفقـــارا والــيتاما باعتــــماد=حـي السحــاب اللي يغيم فــيه خير(ن) وبـركه
مــن غيثها مـــابه مـــواطــن ماتــهنا واسـتفاد=وفاضت على كل البقاع لها دوي(ن) وحـــركه
مــا هي غريبة مـــدتك جــــزلة وحــبك بالفؤاد=سكــنت في قلب المواطن والله اللي يملـكه
وحكمك على نهج الولي والشرع ما فيه انحياد=واللي نـواك بــشر خشمه لا تطاول نفــركه
نــــذوقه ســــم(ن) على كـــبده ويبـــشر بالنـــــكاد=ونجيبه مقــيد مثـــل قـــيد الجمل ونـبـركه
كـله على شــــانك يابو متعب مـــواقفنا ســـداد=أرواحنا دونك فدا لا جاء نـــهار المعــركه
ولا علينا مـــن مجمعة الحـــكي وأهـــل الفساد=لو شوشروا عـــبر القناه وبهللوا بالفبركه
شفنا الـــدول بعد التظاهر شـرّدوا مـثل الـجراد=صــارت بعد عيش الأمان ونعمته متــفككه
ولـــو حـــاولوا بعـض الــعقايد بالتجمع والعناد=تبت يــدين الحــاقد اللي مـوطنه ما يدركه
حــــنا لهم بالسيف الأملــــح صـامدين وبالزناد=نقضي على من شـار بالفتنة بعزم ونهلكه
ولا يزعزعنا التظاهر والــــولاء شـــــرب(ن) وزاد=فينا غـــريزة ما نخـــون وبالعهد متمسكه
يـبقى ولاء الأجداد عـــــامر عنـــــدنا ولا يبــاد=ما دام حاكمنا على نهـــج الكتاب ومسلكه
ويكفيك حاجـــــه ياملكــــنا وأنت عــــز(ن) للـــبلاد=إن الــــوطن يحيا بذكرك يا وسام المملكه[/poem]

__________________

بيض الله وجهك وصح الله السااااانك يالجزل

__________________

صح لساااااااانك

والجزل لا ياتي الا بجزل

لك تحياتي

__________________

ارحب ياجازع ومن طول الغيبات جاب الغنايم وهذي منها

صح لسانك وبيض الله وجهك على هذي الشامخه

وعادتك الجزاله لاعدمناك

تقبل ودي وتقديري

__________________

اقتباس:
الكاتب : رائد نملان الحبابي
بيض الله وجهك وصح الله السااااانك يالجزل

وجهك
ومشكور على المرور المشرف حقيقه يابن نملان

__________________

اقتباس:
الكاتب : أبو صقر
صح لساااااااانك

والجزل لا ياتي الا بجزل

لك تحياتي


ما عليك زود يابوصقر
وترجع لنا بسلامه وصحه

__________________

اقتباس:
الكاتب : أبو عساف
ارحب ياجازع ومن طول الغيبات جاب الغنايم وهذي منها

صح لسانك وبيض الله وجهك على هذي الشامخه

وعادتك الجزاله لاعدمناك


تقبل ودي وتقديري

الله يبقيك يابوعساف
وكم تمنيت أقابلك أنا وأبونواف ولكن خيرها في غيرها
والجايات أكثر من الرايحات تحياتي لك وما عليك زود يالغالي

__________________

بيض الله وجهك وصح الله السااااانك يالجزل

__________________
محمد بن عبيان آل سالم الفهري

ارحب ياجازع ومن طول الغيبات جاب الغنايم وهذي منها

صح لسانك وبيض الله وجهك على هذي الشامخه

وعادتك الجزاله لاعدمناك

__________________

__________________