أشيوخا وشافي تولا الامر والقاله =أمارته ورث ابوه وورث الاجدادي

مرثيه في شيخ قبيله بني هاجر ناصر بن حمود بن شافي رحمه الله

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]



نويت مر العرين وشوفه أشباله =بعد الأسد وش نقص منه وش زادي
الشيخ هذي محالاته ومدهاله = يمت مصلي من بقيق (ن) علي العادي
مشرع مجلسه والناس تنصاله =كلن يجيله لأمن حده الحادي
يا أما سجين نخاه وفك سلاساله = وياما تهقوا با امورا ما لها اعدادي
لاقام فيها من المولى أتسوئله = وجهه طويلا وعلي الفزعات معتادي
أراحل الي عسى الجنه تهياله =شيخ نعته القبيله جمع وأفرادي
ماكتب له جاءه في يومه ولا مهاله =خطبا جلال وماراد الولي رادي
ناصرفقيد ولا له كود يدعاله =با المغفره والثبات بوحش لالحادي
الله يرحمه ويقديه في سؤاله = حقه علينا نرددها ترددادي
الصبر منا ومن ربه تقباله = الله يحعل قبوله عنبر وكادي
شيخا يا مكبر طموحات علي باله =ما تطري لا علي قشعان الاللدي
يا ما أصعب الحمل لاكن تبرك اجماله = اللي علي شالته والي معه عادي
ما غاب الي علي شاكلته امثاله =نور القمر لا حجبه الغيم ينعادي
أشيوخا وشافي تولا الامر والقاله =أمارته ورث ابوه وورث الاجدادي
ومحمد مركز الهجره تبناله =استسلمه كاملا با افراد واعتادي
واخوانهم كل منهم قام با اعماله = الله يجعل مشورتهم علي القادي
هائولا اعيال من شيخته تزهاله = عدا عليه العرب صدرا وورادي
فهود علي فهود وسلاله من سلاله = شيوخا علي قاعده وسنان واشدادي
وقبل انتهي قال وان نصف الولد خاله =والنار حيه ولا تحتاج لزنادي
ومجاوز الشيخ ما حطت من عياله =ما ياخذ لا بنات شيوخ واسيادي
والطيب وهبه لكن الدلو با احباله = وحبل الدلو يسقي الضميان لارادي
وشيخا ما يذري ولاينسار في ظلاله =ينقال له في الحقيقه خلف اجوادي
لاصار ما يندري عنه ولا افعاله = البحر مالح ولا يملح به الزادي
كلا لبوسه علي قده وتفصاله = مايستوي في العرب حامد وحمادي
واشلون ما نؤمن ان الحق يبغاله =وقفة تعيد النظر في مجد لامجادي
الايام تمشي ولايبغا علي حاله =لا لله يبي شكرا وعبادي
ومن لا اعتبر في الزمن وجدد اسماله = يمضي عليه الدهر هجري وميلادي
ومن عاش قادر وعز النفس ما ناله = مثله مثل من حياته هم وجهادي
هيهات يا مخلد التاريح لاجياله = اطعن وتنشر لك البيضاء با الاشهادي
لاتقول هذا فعل جدي وتبراله = كلن فعوله تسجل له بمرصادي
وشعرا ما يوخ علي مضمونه رساله= قولو لراعيه وينك رائيح وغادي
هذا وجوبه وهذا وقت عجاله = شؤؤن القبيله علي غيره هو البادي
وماقل دل وسبقنا بينت من قاله = والناس قدها تعرف الكاف واصادي[/poem]

ميارك حسين بن باكور الهاجري

__________________

صح لسانك وبيض الله وجهك على هذي القصيده الجميله.
***مع تمنياتي لك بالتوفيق***

__________________

ناصرفقيـد ولا لـه كـود يدعـالـه

با المغفره والثبات بوحـش لالحـادي

الله يرحمـه ويقديـه فـي سـؤالـه

حقـه علينـا نـرددهـا تــرددادي

صح الله لسان القايل والناقل لاهنت يالقرم



والله يرحم الشيخ ناصر ويسكنه فسيح جناته

صح لسانك وبيض الله وجهك على هذي القصيده الجميله.

__________________

أجمل شي في ألانسان قلب صافي يدعو لك

صح لسانك والله يرحم بن شافي عقيد ربعه

فقيدة على عبيدة وقحطان كافة ..

اررررحب يا سعود تراحيب المطر ..

حيه وحي ماجاب ..

الله يرحم ويغفر لبو حمود ويجعله من ضيفان الجنه فقيده علينا وعلى قبايل قحطان كافه ..

وصح الله السان بن باكور مدد بلا عدد ..

خآلص ودي ..

__________________

الله المستعان والي غيَب الشيخ الجليل ناصر بن حمود بيغيَبنا كلنا

حق الميت على الحيين الدعاء الصادق

الله يرحم الشيخ ناصر ويرفع درجته في الجنه بحق السميع العليم يارب ياسامع الدعاء

الله يبيَض وجهك ياخوي سعود ال شافي على النقل ولوا انه متاخر عن وفاة الشيخ لكن ماابطا من حضر جعلك تحيا



وتحيه صادقه للشاعر مبارك بن باكور على هذه الشامخه في شايب الجميع ناصر بن حمود الله يوسع عليه قبره

وان ماخاب ضني فانت سعود بن ناصر بن حمود اسئل الله ان يبارك فيكم يابو ناصر وان يعينكم على حمل امانه شايبكم واسلافكم الافذاذ

تحياتي للجميع

__________________
ربنا اتناء في الدنياء حسنه وفي الآخرةِ حسنه وقنا عذاب النار
<<<<<<<<<<<<<<>>>>>>>>>>>>>>>>>
يارب قدم اليك عبدا نحبه ويحبنا فاوسع مدخله واكرم نزله اللهم ارحم عبدالله بن عبدالعزيز

اللهم يارب العالمين
ان تحقظ لنا ولات امرنا
وان تمد ملكنا سلمان الحزم بالنصر والظفر
اللهم ان تقوي عزائم المحمدين على طاعتك
وسلطهم على كل فاسق ومنافق واصلح بطانتهم

صح الله لسانك ولسان الشاعر

ورحم الله فقيدنا الجلل

بيض الله وجهك ,,

__________________

ارحب يا سعود

ويعطيك العافية وصح الله لسان الشاعر ابن باكور ورحم الله شايبكم ناصر بن حمود

__________________


http://www.qahtaan.com/works/up/get....fmnp1261962149