منقول،،،،،،،،،،،يقلون ما للعبد مد على المقسوم

يقلون ما للعبد مد على المقسوم.
ونا قول صح ويقنع العبد مقسومه؟
عسى الله يعين الي توافد عليه هموم.
هموم تخلي طبلة الراس منجومه؟
ترى والله انه ما يكدر عليك النوم.
سوى كلمة من بعض لصحاب مسمومه؟
إليا جات من الغالين والا الرخوم رخوم.
ولا محق من الغالي ليا شانة اعلومه؟
اضعاف الروابع تبتلش والقروم أتشوم.
ولهي إلا شامت من الشيب مليومه؟
ولا ازين من القاع الخلاء والوجيه أسلوم.
ولا رفقة مع طول إلايام ملغومه؟
ولا الذ من عشرة شريف من اقصى القوم.
يبادلك فعل الطيب معناه وسلومه؟
ولاشفت في جو الصداقة غبش وغيوم
خذيت الدروب الي مع الارض مرسومه؟
ولا مثل عز النفس لو ما معك مطعوم.
وعن اهل الشماته خل لسرار مكتومه؟
معي لو سمحت شوى عقب عداك اللوم.
ابا اعطيك عن بعض الرجاجيل معلومه؟
ترى الاش لو وقف معك في حياته يوم.
تشوف الردى متبين فيه من يومه؟
ونا اقول لون في وجيه الرخوم وسوم.
عرفنا نميز قيمة النذل بوسومه؟
على شان نجلس مع رجال الوفاء ونقوم.
ونبعد من الي عند لجواد مذمومه؟
ونا اسمع مع اهل التجربة في الحياه علوم.
بعضها صحيح وبعض لاخبار موهومه؟
يقلون وكر الحر ما يعتليه البوم.
ونا شوف عيني وكر حر تحت بومه

__________________
مسفر القحطـــــــــــــــاني

لاهنت ياااامسفر وهاذي الابيات للشاعر المدع

\\راجح الشامري العجمي\\

__________________

لهنت يابو نملان على إيضاح اسم الشاعر من عدمه وشكراً على الاطلاع تحياتي؛؛؛؛؛؛؛؛

__________________
مسفر القحطـــــــــــــــاني

http://www.youtube.com/watch?v=r0o7aybg0us

للشاعر القدير راجح الشامري العجمي


ولاهنت يابوسعد علي نقلها

وشكرا لك علي الاختيار ولاتحرمنا تواجدك ومواضيعك المميزه

__________________

ترى الاش لو وقف معك في حياته يوم.
تشوف الردى متبين فيه من يومه؟
ونا اقول لون في وجيه الرخوم وسوم.
عرفنا نميز قيمة النذل بوسومه؟


ابيات حكمه صح الله لسان شاعرها ويسلم ناقلها


ولاهنت ياعلي علي الاضافه

__________________

جعلني ما عدمك يابو فيصل شكراُ على الاطلاع والايضاح اكثر
تحياتي والف شكر

__________________
مسفر القحطـــــــــــــــاني