احدى روائع الشاعر الكبير/عبدالله بن زويبن الحربي

ياعزوتي يابدر مااقرب حضايبـك
على الخطا والصبح حبك نقـازي
نوب تنسينا الشقا فـي عجايبـك
ونـوب تولعهـا بليفـة وقـازي
ادناة مايرضيك وأدناة مااغضبـك
تلقط الغلطلـت لقـط الجهـازي
ماهي عداوة يوم اطالبك واضربك
أنته حفيد جدودنا ماانـت نـازي
لاشك انا يابدر ابنصحك وادبـك
واعطيك عن كل المعاني أجـازي
تلقى فوايدها ليـا خـط شاربـك
بها على كل الوصايـا أمتيـازي
خلك شمالي عنـد زلـة قرايبـك
وعلى الحقوق الليا نصنك حجازي
لاتذخر المذخور من دون واجبـك
اوف الحقوق اللازمات بنجـازي
للضيف والجيران ليّـن جوانبـك
وبالطيب جاز وبالردى لاتجـازي
احلم على زل رفيقـك وصاحبـك
ادمح خطاهم لاتصيـر انتهـازي
يابـدر والله ماتخونـك مناسبـك
لك منسب طيب وساس عـزازي
أفرح ليا قالوا هاك العود جاذبـك
يصير عندي مفخرة واعتـزازي


الشاعر/ عبدالله بن زويبن الحربي

__________________
محمد بن عبيان آل سالم الفهري

ماشاء عليك يابو عبيان نشيط اليوم

الله لايهينك على النقل

وبن زويبن شاعر كبير وقصايده كلها ذهب

تحياتي وتقديري

__________________

لاهنت ياااامحمد على النقل الرااااائع

ولاتجيب الا الجزلات

__________________

اررررررررررررررررررحب يابو عساف

ابشرك القادم احلى واروع

وبيض الله وجهك على المتصفح الجزل

__________________
محمد بن عبيان آل سالم الفهري

اررررررررررررررررحب يابو محمد

الف الف الف الف شكر على المرور الرائع

__________________
محمد بن عبيان آل سالم الفهري

ماشاء عليك يابو عبيان نشيط اليوم

الله لايهينك على النقل

__________________

اررررررررررررررررررررحب يابو ممدوح

الف الف الف شكر على المرور الرائع

__________________
محمد بن عبيان آل سالم الفهري