[poem=font="Simplified Arabic,7,black,bold,normal" bkcolor="transparent" bkimage="" border="groove,medium,gray" type=1 line=0 align=center use=ex num="0,black"]
كل جهل(ن) مركب له فكر معشش=ماتفيد الكتب لو زاد تقديسها
صنتها عن خطاها ما نشاور محشش=يالله تهدي لساني ما أتبع لقيسها
ياسحابة خيال الفكر من طيب رشش=صيبك نافع(ن) لو فطن تدريسها
فيه وجه(ن)على الطاله وطيبه يبشش=والوجيه القبيحه زاد تعبيسها
عقب اللي عن الماجوب دوم ايتخشش=لا غرابه نعامه تدفن رويسها
الحسد لا تنامى في قلوب المغشش=يضبح التيس وأمه راضع(ن) ديسها
ياجمال رغت بالحمل لو زاد قشش=طبخة البن تنقى قبل تحميسها
ليتها تظهر وسوم الردى فالخشش=كان الأنذال ما عاشت بتدليسها
عششي ياطيور الشؤم ما أحد(ن) ينشش=كل باري عرف للقوس تقويسها
يا قصور الغناوي كم رعاة تدشش=أقلعو فالضروس ان بان تسويسها[/poem]

أبو .زياد
15-5-1432

__________________