يقول من عدا بعالي رجومها (حمد بن ناصر بو ظهير المعمري)

السلام عليكم ورحمة الله وبركاته

اخواني الكرام اعضاء منتدى شبكة قحطان يسعدني أن أنقل لكم هذه القصيدة

للشاعر: حمد بن ناصر أبوظهير المعمري ]

وأرجو أن تحوز على رضاكم واستحسانكم


يـــقـــول مــــــن عــــــدا بــعــالــي رجــومــهـــا
.................فـالــنــايــف الــعــالـــي تــلــوفـــه سـمــومــهــا
وقــت الضـحـي فــي راس حـبـر المسـمـى
.................شــمــالـــي الــمـــضـــة تــهـــبـــه نــســومــهــا
ومـــديـــت دربــيــلــي عـــلـــى كـــــــل ديـــــــره
.................ونفـسـي مــن الضيـقـه تخـالـف همـومـهـا
وشــفـــت الـمــنــازل والـــرســـوم الـقـديــمــه
.................مــــنـــــازل مـــــــــا بــــاقـــــي الا رســـومـــهـــا
وهــاجـــت عـبــايــر خـــاطـــري واسـتـهــلــت
.................والله يـــلــــوم الــجــاهـــل الـــلــــي يــلــومــهــا
ابـــكــــي بــــنــــي عــــــــم عــــــــزازٍ تــفـــرقـــوا
.................وراحـــت بــهــم دنــيــاً تـخـالــف سـهـومـهـا
امـــسٍ مـعــي والــيــوم يــــا حــمــود راحــــوا
.................روح الــمـــزون الــلـــي تـقــطــع غـيـومــهــا
ولا بـــــد مـــــا جـــاهـــم يـجـيــنــي وغـــيـــري
.................فــــي ســاعــة مــــا عــــاد يـمـهــل بـيـومـهـا
والـــرابـــح الـــلـــي غـــالـــيٍ عـــنــــد ربـــعــــه
.................ويـــســـد حـجــاتــهــا ويــقــضـــي لــزومــهـــا
امـــــــا بــوجــهـــه يـــاخــــذ الـــلــــي يــبــونـــه
.................ولا بــحــلالـــه يــشــتـــري مـــــــا يـســومــهــا
هــــــذا عـــســـى ايـــامـــه ســنــيــن طــويــلـــه
.................مــــن شــــان لا ثـلــمــت يـســكــر ثـلـومـهــا
فــــكـــــرت بــالــدنــيـــا وبـــــاقـــــي عـــربـــهــــا
.................ويــابــعــد والله شــرقــهــا مـــــــن يـمــومــهــا
راحــــت حــــلات الــوقــت واقــفـــى ربـيــعــه
.................وقــطــاعـــة الــبــيـــدا تــــــــردت عــزومـــهـــا
وحـتــى الـطـراقـي لا اقـبـلـو مــــن بـعـيــدي
.................مــا احــدٍ نشـدهـا مــن حمـايـض علومـهـــا
والـمـجـلـس الــلـــي مـــــا تـجــمــل سـوالــفــه
.................طـبـخــة عــجــوز يـعـمــي الـعـيــن ثـومــهــا
عـــز الله انـــي عـايــف بـعــض الاشــيــاء
.................ونفسي لا صامت ويش اسوي بصومها
لا شـــــــك ادلـــــــه خـــاطــــري بـالـقــصــايــد
.................وخــــــــوة رجــــــــال لــلــمــراجـــل تـــرومـــهـــا
وشوف الديـار اللـي بهـا حسكـات الوبـر
.................مــــن خـلـقــة الـرحـمــن فــنــس خـشـومـهــا
الــبــل تــراهــا الــســـود يـــــا جــاهـــل بــهـــا
.................وســـاع الـنـحــور الــلــي كــبــار جـرومـهــا
الـــلـــي يــعــبــون الـــقـــدر مــــــن حـلـيـبـهــا
.................لا نــــوخــوا تـــــو الـــمـــنـــارة قـــرومـــهــــا
عـلــط الـرقــاب الـــي عــرايــا مــــن الـلـحــم
.................مــــن طـولـهــا كـنَّــهــا تـحــســب نـجـومـهــا
الـــلـــي مـــثـــل ذود ابــــــن زايــــــد مــحــمـــد
.................يـــــــــدوم راعـــيـــهـــا وربــــــــــي يـــدومـــهــــا
حـبـيــت اوضــــح كــــل مــــا كــــان خــافـــي
.................خــلــف الـضـمـايـر لاجــــي فــــي كـمـومـهـا
شــاعــر ونــاقــد واجـتـهــد فــــي قـصــيــدي
.................ولـمــا اقـبـلـت بـالـوجـه عـرفــت وسـومـهــا
وانــــا احــمــد الله يــــوم انــــا مــــن قـبـيـلـه
.................تـــعـــرف مـواقـفــهــا وتـــعــــرف سـلــومــهــا
امـــعـــمـــري شـــــــــدادي مـــــــــن عـــبـــيــــده
.................سـعـد الـطـروش ان كــان شــح معدومـهـا


وخـتـامـهـا مــنـــي صـــــلاة عــلـــى الـنــبــي
.................شــفــيــع الامــــــه يــــــوم حـــــــزة قــدومــهـــا

ارحب يافلاح

وصح لسان ابو ظهير والله ونعم ياوجيه بني شداد

الله لايهينك على النقل

ننتظر جديدك

تحياتي وتقديري لك

__________________

الله يبقيك ويسلمك يا كحيلان ولا عليك زود يا وجه شداد

قايل ما يهون يالغالي

مرورك شرف ووسام على صدري لك تحياتي

ارحب يا تراحيب الحيا


جزل ولا تجيب الا جزل



صح الله لسانك ولسان بو ظهيرالمعمري



لاهنت على الاختيار المميز

صح الله لسانك ولسان الشاعر المعروف حمد

لاهنت بيض الله وجهك ,,

__________________

اررررررررررررررحب مليار يا ابراهيم مرورك وسام على صدري يالغالي جعلني ما عدمك يالشلي لك تحياتي

صح بدنك يا سفر ومرورك يشرفني يا كحيلان لك تحياتي يالغالي