قصيدة للشاعر محمد بن سالم بن جروان أل عليان القحطاني

بسم الله الرحمن الرحيم

[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يا راكب من فوق مثل البتاتي=هجن كما وصف النعام المظاليل
حيل عصت بحيال ومعشباتي=لازرفلن مثل القطا ورد الغيل
كنها محاحيل هوت ممرساتي=واهلها مع الارض الغريبه دواليل
مافوقها إلا الميركه والوقاتي=وقرب تناشيحً وخرج المعاميل
تريضوا مقدار واخذوا وصاتي=هرج على المعنى صحيح أليا قيل
ملفاكم ابن عضيب ستر البناتي=عدال مايلنا إلى دلبح الميل
خالد إلى مانش ريق الشفاتي=حلحيل حيلات إلى قصر الحيل
وقولوا ترانا بين موت وحياتي=لاتاخذه فينا حكايا العواذيل
وشيخ آل روق بلغوه بوصاتي=ليته يشوف اللي علينا من الميل
ومروا على العماج حبس العصاتي=اسمه وجسمه بين(ن) كنه سهيل
مقدم هل الهزلا كبير الحكاتي=مثقال زمل مروجسات الخلاخيل
بيته على الجالس شمال ثباتي=متشطر لمروحين الهشاشيل
انخوه لاجيتوه عد انخواتي=يفطن لنا بالوارادات المقابيل
ومن الهياثم صبحها سارحاتي=ملفاكم أهل الرين حل المقاييل
مخدمات بروك ومعقلاتي=قال ابن (ناصر) قلطوا يارجاجيل
ابدوا عليه اشمام علم ثباتي=واثنوا عليه العلم وانخوه بالحيل
وقولوا اعيالك في حيات الشماتي=محطوط بالرجلين طبل وسلاسيل
هو شيخنا الاول وحنا العباتي=ما يطلق المسجون هرج التعاليل
يبدي على ابن سعود والا افياتي=هذا من الواجب على مثل ما قيل
خليل يامروي سنين الشباتي=لا من غدا عج الرمك كنه الليل
ومنه لأبن سفران متوجهاتي=هو عيد اهل هجن اهجاف ومهازيل
يلزم عليكم عندهم بالمباتي=ويحط فوق العيش من عقر الحيل
وقولوا علام أخباركم ساكناتي=ما كن بحبس الكوت منكم رجاجيل
عطوه ما معكم وزلوا فواتي=ولكم مع شيخ العواطف تعاليل
ابدوا تحيتكم وهن واقفاتي=عطوه مكتوبه وفوتوا مشاميل
ومروا على ابن احويزي ياعزاتي=لعل هذال لنا ينهض الجيل
تلفون ابن لبده وديع الوصاتي=هو سيفنا لاضاع حكي الرجاجيل
قولوا لزوم(ن) ناصلك يوم ناتي=نعطيك سر العلم قص(ن) وتفصيل
ربعك عليهم حامت الحايماتي=يرجون منكم رد علم ومراسيل
والصبح يم اهل الحصي سارحاتي=ملفاكم الحقه اعصير(ن) اطفيليل
انخوا بني عمي وهي غايراتي=خيالة الجدعا زحول الرجاجيل
ظفران لاجا من حفيف وصاتي=رد النقا والا خذوا البل هل الخيل
اولاد ابن لاحق هل الطايلاتي=هم ذخرنا لا كملن المحاصيل
كرمان لا جات السنين إشقفاتي=لا نكست الاسعار ثم شحذب الكيل
ومنها لابن عبود خمس ضواتي=تشدى جضيض الربد اسبق من التيل
لا من اقبلت لكن عليها جناتي=تاخذ على الديره ثلاثة محاويل
انخوا بصوت(ن) من سمع فيه ياتي=لين السطر يضرب بروس الرجاجيل
والى غدا فيهم دليل(ن) وعاتي=قولوا سلامتكم وحنا المراسيل
اخذوا مكاتيب(ن) من الكوت جاتي=من خبرة تشكي عليكم ونا الحيل
مابه مرض غير الحلق مبهماتي=واصياخ صب غير عجم مفاتيل
ثم قلطوها يم غاية شفاتي=يم السباع الضارية كل حلحيل
تاصل عبيدة مقعدة كل عاتي=تلفون ابن (شفلوت) ريف المراميل
تلفون شيخ ينطح الكايداتي=مقدم عبيده كاسبين التنافيل
انخوه باسم جدوده الاولاتي=انخوا لنا نمر المهار المشاويل
ثم يمموا برقابها مجنباتي=يم الحباب متعبين المعاميل
اهل الفخر وافعالهم ماضياتي=ويعدلون الضد بالسيف تعديل
إن كان شيوخي تمموا واجباتي=طاب الكرا لي يالعيال المشاكيل
وكني ملكت احدود شط الفراتي=والبصرة الفيحا على ساحل النيل
وان كان ربعي ما ادركوا لي شفاتي=خلي علي تكضم لحي المحابيل
فريال ما نسواه دامت حياتي=انا أشهد اني تو شفت الغرابيل
لا وشباب(ن) فات لا وحياتي=سوالف راحت كما طايف الليل
صلوا على سيد البشر بالصلاتي=على النبي صلوا وزيدوه تهليل[/poem]

هذي قصيده للشاعر الفحل /محمد بن سالم بن جروان أل عليان القحطاني
أثناء سجنه في دولة الكويت....(رحمه الله)
ا
تقبلوا تحياتي..

ارحب يابن ضرمان

لاهنت على قصيده الجزل ابن جروان ال عليان رحمه الله ورحم ابن حشر الي سعى في فكاكه من السجن

نفتخر بشعار بهذه الصفه وشيوخ بهذه النخوه وباعضاء شرواك

تقبل تحياتي

واسمح لي بنقلها الى المكان المخصص

__________________
ربنا اتناء في الدنياء حسنه وفي الآخرةِ حسنه وقنا عذاب النار
<<<<<<<<<<<<<<>>>>>>>>>>>>>>>>>
يارب قدم اليك عبدا نحبه ويحبنا فاوسع مدخله واكرم نزله اللهم ارحم عبدالله بن عبدالعزيز

اللهم يارب العالمين
ان تحقظ لنا ولات امرنا
وان تمد ملكنا سلمان الحزم بالنصر والظفر
اللهم ان تقوي عزائم المحمدين على طاعتك
وسلطهم على كل فاسق ومنافق واصلح بطانتهم

ارحب يابن ضرمان

وصح لسان ابن جروان

وبيض الله وجه ابن حشر

تحياتي

__________________

ارحب يابن ضرمان

ورحم الله ابن جروان رحمه واسعه

ولو الله ثم ابن عضيب كان مات في سجنه رحم الله شيخنا ابو حزام .

__________________


http://www.qahtaan.com/works/up/get....fmnp1261962149

رحم الله شاعرنا ابن جروان رحمة واسعه والله يرحمه وبيض الله وجه صاحب الموضوع ابن ضرمان وابن جروان خرج من السجن مع زملاءه جميعا بعفو اميري من امير الكويت وابن حشر قام فيها وما قصر

__________________

بيض الله وجهك يابن ضرمان ..

وجعل يمنآك ماتعطب على النقل الطيب ..

صح الله السان بن جروان ويبيض وجه بن عضيب ..

والله يرحمهم جميع ..

__________________

لا هنت على الموضوع

ياليت نعرف قصة السجن وسببه

ونبي قرم يفصل لنا شوي عن القصة

والقصيدة

شاعر فذ ذاع صيته في مدة قصيره صح لسانه والله يرحمه ويجعله من هل الجنة تقبل مروري يالسحيمي

__________________
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="1,black""]
طرفنا ورى تثليث غرب وربعنا = على الطارف الشرقي ورى ديرة الياسي
تغازو بها يوم العدا يرهبونها = على قاطعات البيد من كل عرماسي
[/poem]

رحمة الله رحمة واسعة ، ولا هنت يا بن ضرمان على الطرح ..

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..