قصيده قلتها في سلامة خادم الحرمين
الله يحفظه

يالله يــــــافــــــارج بــــــــــــلاوي مــــكــــيـــــده
يـاســامــع الـــدعـــوى وحـــنـــا بـــرجـــواه

مــرســـل رســـولـــه لـلـبــشــر بـالـعـقـيــده
وأيــــوب بــعــد الــضــر شــافــاه وابــــراه

يـامـخـرج يـوســف بـعــد عـســر قــيــده
يـالـلـي عـلــى خـلـقــه جــــزال عـطـايــاه

الــــلـــــي بـــمـــداتـــه يـــــجـــــود لــعــبـــيـــده
الله ولا غــــيــــر الله الــــلــــي رجــيـــنـــاه

رفـعــت يــــدي والـشـعــب يــرفــع ايــــده
يـنـجـي ملـكـنـا مــــن شــديــد الـمـعـانـاه

والــحــمـــد لله صـــــــار عـــلــــمً نــــريــــده
قـــــــام الـمــلــيــك وفـــكــــه الله وانـــجــــاه

نـحـمـدك يـالـلـي تـفـعــل الــلــي تــريــده
والحكـم حكمـك والأمـر منـك نـرضـاه

وياذيـب تـرجـم مــن خفـوقـك قصـيـده
خــل الـخـفـوق يـبــوح والـنــاس تـقــراه

فـي حــب عــز الــدار واكـبـر رصـيـده
ابــــن الـكـريــم مـثـبــت مــجـــد مـجــنــاه

مـلـيــكــنــا الــــفـــــذ الـــهـــمـــام الـــولـــيـــده
ابـــــن الـمــؤســس ذخــرنـــا لاعـدمــنــاه

فـخــر الــعــرب صــقــر يـمـيــز هــديــده
فــــوق الــكــلام الــلــي قــدرنـــا وقـلــنــاه

ريف الضعيف وعيد من فات عيده
مــــن يـزبــنــه جــاتـــه عــلـــى مـاتـمـنــاه

حــــــاز الــمــكــارم والــعــلــوم الـحـمــيــده
وزود عــلــى هــــذا بــشـــوش مـحــيــاه

صـمـيـدعـي وقــــت الـعـلــوم الـشـديــده
لــحــل فــــارض قــالــوا الــنـــاس حــيـــاه

هــــو عــزنــا الــدايــم فـعـلـولـه مـجـيــده
راعـــي هـــلا تـعـجـبـك شــوفــة ثـنـايــاه

وحـنــا جـنــود لـلـوطــن فــــي الـوعـيــده
بــأرواحــنـــا ورمــاحـــنـــا درع وحــــمــــاه

شــاعــر وامــثــل كــــل ربــعــي عـبــيــده
وقـت اللـزوم ارواحنـا ترخـص افــداه

تحياااتيلكم
العبيدي