قصية مدح في رجل يستاهل

السلام عليكم ورحمة الله وبركاته.
بعد طول غياب حبيت أصافحكم,
من ما لاشك فيه أن مدح الكفو فخر للمادح والممدوح
عكس اللي دون المدح يكون مدحة مذمه للمادح والممدوح:
وأنا مقل في المدح لأسباب عدة!! ولكن أبو علي أجبرتني مواقفه الطيبه,
ولقربي منه. ويعلم الله أن القصيدة جات تلقائيه.



[poem=font="Simplified Arabic,4,black,bold,normal" bkcolor="transparent" bkimage="" border="none,medium,white" type=4 line=0 align=center use=ex num="0,black"]
يالندّر الشرّد للأحكام حكّام = حيث الشعر سلطة بحكم السلايط
مايحكمه هاوي وغاوي ونظّام = تعرف زحوله عند كشف الخرايط
الشعر شيخٍ ثوبه من أجود الخام = وتمازعوه وراح ثوبه شلايط
وستره على العقّال يلزمهم إلزام = مادام ثوب الشعر يحتاج خايط
ومادام يوجد للشعر عدّة أقسام = أخترت منها المدح ود وسفايط
سلام ياللي للمهمات مقدام = حاضر وغايب نص ولا وسايط
ياحر ياللي في سما المرجله حام = وإن صاد صيده جهر ماهو غطايط
عون الرفيق ودرع واسناد واحزام = وان ساط ابن عمّك من الوقت سايط
توقف بقلب الزير وإقدام همّام = في وقفةٍ صعبة وعندك بسايط
والناس ينصونك من الشرق والشام = لاصار سلكٍ بين الأسلاك شايط
تلقاهم بوجهٍ بشوش وتبسّام = في مجلسٍ ماحط مادونه حوايط
والطيب يلقاهم من الشارع العام = مع ريحة البن اليماني خلايط
حمد حمد بن مايقه عوق الأخصام = لا علّهم يفدونه أهل المشايط
اللي فعايلهم على مر الأعوام = في يوم راحت مع فعوله لقايط
شيخٍ ولد شيخٍ علم قبل الأعلام = شيخة فعل ماهيب شيخة مهايط
يكفي لاطري قيل والسبعة انعام = وكلمة نعم ماهي تجي بالوسايط
الواسطة محكومةٍ حكم الأعدام = فالمرجلة لو تكشفون الخرايط
يدوم فعل الطيب والمال مادام = والرجل يعرف معدنه في الشطايط
كم واحدٍ لو يحكم بحكم صدّام = راحت علومه كلبوها بقايط
درب المراجل يعشقه كل ظرغام = والفقر عايق والبخل سور حايط
وأنا على مدح المطاليق جزّام = قاصين ولا من ربوعٍ قلايط
ولانب بحسب حساب ناقد لوّام = لاصار عن درب المطانيخ شايط[/poem]

أرحب يابطي تراحيب المطر

وصح الله لسانك مليون وأنت كفو والممدوح كفو ويستاهل

وعز الله إنك جذبتنا بهذه الموسيقية الجميلة

لا عدمتك ... تقبل مروري...

__________________


والله إنه صادق

صح لسانك وحمد يستاهل المدح

صح لسانك يا بطي وابو علي يستاهل

__________________

صح السانك وماقصرت قصيده جزله

صح الله لسانك

تقبل مروري وتحياتي .

ابو ساق اليامي

__________________
آل سالم

صح لسانك ويستاهل الممدوح


تقديري

__________________

احد(ن) فعوله تجمل بني عمه..........واحد(ن) على ربعه شرهه ومنقود

درب المراجل يعشقه كـل ظرغـام والفقر عايق والبخل سـور حايـط
وأنا على مـدح المطاليـق جـزّام قاصيـن ولا مـن ربـوعٍ قلايـط

^^^
كفو يابو مسفر والطيب مايمدح الا طيب
وصح الله لسانك على الجزلة اللي اتحفتنا فيها بمتصفحك
والله لا يهينك

تقبل مروري / ماجد بن شغاث

صح لسانك يابو مسفر وحمد بـأختصار هو ( رفيق الرفيق وعون الصديق )

صح الله لسانك

والممدوح يستاااهل

__________________