الســلام عليكم ورحمة الله وبركااته كيف الحال .....؟! حال الأسر السعوديه في يومين الخميس و الجمعه بالبدايه نص رسايل جوالي من العصر 1-جب خبز >> كرهت الخبز من كثر مايقولون لي جب خبز 2_جب زبده 3_جب دريم ويب 4_جب وجب وجب وجب وووو.... إلخ *وبعد العصر ينقلب البيت استاذ الملك فهد -بزران فوق الثلاجه.. -بزران فوق الخزان.. -بزران تحت السياره.. سته يلعبون كوره وكل ما كسرو لمبه صاحــوآ (قزاز .. قزاز ..البسوا نعال ) -بزارين توهم يمشون كنهم بطاريق تلقاهم في كل مكان ](ودك تجيب لك كرتون تايد وتحطهم فيه وتفتح لهم فتحه للنفس وعلى سوق الحمام على طول) *وكله كوم واذا جاك بزر يتفل -تسلم عليه ..... يتفل -تهاوشه ..... يتفل -تطقه .... يتفل -يروح لامه يصيح .... يتفل عليها (حط على فمه قضابه وخلاص) *ولا اذا جاك ثنين اخوان يتلاعنون -الاول: يلعن ابوك.. -يرد الثاني :يلعن ابوك انت... *ولا اذا شفت لك عيال متجمعين على مقطع جوال مع واحد منهم واذا شافوك .. ماتشوف الا غبارهم *واذا دخلت للبيت ..تبدأ استقبال الشكاوي *اولاً المبزره _شف هذا يطق _تعال عقل ذا _ويبدأ الحلف عاد... والله فلان وهاذا والله فلان (الحلف عادي عندهم) *ثانيا الحريم شف فلان تراه سوا كذا وكذا... والمسكين يقعد يصيح خايف.. ولا وحده من خلاتك ولا خواتك ولا عماتك تأكل ولدها وهو ماوده ياكل وتقول تعال شفه ما ياكل...؟! (وانا وش دخل امي فيه كل ماكل في لعنه) والابو جالس في المجلس وجادع الشماغ ويصايح حطــو العشاء..!! وبعد العشاء..!! رز في كل مكان في البيت (حتى جيوبك تلقى فيها رز) وبعد العشا خلاص يبدا الصراخ الامهات على عيالهم.. وين نعالك ابوك عند الباب.. وبعد مايلاقي نعاله .. تبدأ سخافه البزران.. حبشه حبشه ودروان في الشارع .. والابو ياولد وخر عن السيارات تعال اركب.. والمبزره شغاله حبشه وحبشه ... وبكذا ينتهي يوم

__________________
قحطان يا جعل من لا يعزك ويغليك
يلقى من خشوم البنادق مصيره

الله يعين يا نايف

__________________

الاخ نايف الحرملي

السلام عليكم ورحمة الله وبركاته

فعلا موضوع يحاكي واقعنا في نهاية الاسبوع

وخير ما عجبني طرحه باسلوب مسرحي

اجدت في خلق السيناريو وكأننا نتفرج في حركة الاولاد داخل الحوش

الى الامام ....امامك مستقبل في الكتابه التخيوليه ذات الطابع الكوميدي

تحياتي

هههههههههههههههههههه

يازين العزوبيه

__________________

كلام صحيح

الحمد لله ما تربينا على كلام سيئ ولعن وسب

والله تتعجب من بعض البيوت كلها كلمات قذرة وسيئة

__________________

اعرف واحد شاب متزوج ٣ وعنده ١٧ طفل وبنفس البيت ...

تصور اللي يصير مع هالبزران ...

لا والرجال يشتغل زامات ... كيف يرتاح مدري