[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]

حل البراد وزان وقت المظاهيـر=وسهيل في عرض السما له ليالـي
القاع خضّر وأضحكن النواويـر=فيه ام سالم تصدح الصوت عالـي
يأهل التفق نادوا على ناقل الطيـر=كـلٍ يجهـز عزبتـه والدلالـي
اللي معه شاهين واللي معه جيـر=واللي معه حـرٍ يـروم المعالـي
أحد معه روجر وعطفه مسامير=وأحد معه شوزن بنللـي ايطالـي
يأهل القنص كلٍ على شفه يسيـر=يسجها شرق وجنـوب وشمالـي
وانا اتمنى خوة اللـي بهـم خيـر=نطاحة الواجب زحـول الرجالـي
عيدي وفيـدي خوتـي للمناعيـر=يزيدني تشريـف ويسـر حالـي
أضرم على المقناص وهوايتي غير=لاشفـت صيـد البـر ياهملالـي
كييـف بـن فـي دلال مباهيـر=ماينعشـه ياكـود نجـرٍ يلالـي
أخذ سلاح الصيد وأسـج وآغيـر=اليا انطلق بارودها سـاح بالـي
الاعب البندق مابيـن الصقاقيـر=في موقـعٍ مابـه ولايـه ووالـي
حظ الفتى لاطاب يدهن له السير=المـر لـوه مـر خـلاه حالـي
والعكس يجذب له مهونه وتقصير=لو كـان الاول رجعـه للتوالـي [/poem]

__________________